ԱՄՆ-ում Խաղաղության ինստիտուտը բռնագրավվել է

Կոլումբիայի շրջանի դատավորը թույլ է տվել, որ 500 միլիոն դոլար արժողությամբ Միացյալ Նահանգների Խաղաղության ինստիտուտի կենտրոնակայանը բռնագրավվի՝ առանց փոխհատուցման այն բանից հետո, երբ նրա գրեթե բոլոր աշխատակիցները հեռացվել են աշխատանքից, և Իլոն Մասկի Կառավարության արդյունավետության գրասենյակը (DOGE) փակել է դրա գործունեությունը: Այս մասին հայտնում է Wired ամսագիրը՝ վկայակոչելով դատական ​​փաստաթղթերը։

Ինստիտուտի ներկայացուցիչները փոխհատուցում են պահանջել շենքը ԱՄՆ Ընդհանուր ծառայությունների վարչությանը (GSA) փոխանցելու համար, քանի որ Ռոնալդ Ռեյգանի նախագահության օրոք պաշտոնապես հիմնադրված հաստատությունը ոչ մի կերպ կապված չէ գործադիր իշխանության հետ․ գործում է անկախ և ֆինանսավորվում է Կոնգրեսի և մասնավոր դոնորների կողմից։ Նշվում է նաև, որ 500 մլն դոլար արժողությամբ շենքը կառուցվել է մասնավոր ներդրումներով, և պետությունը դրա հետ կապ չունի։

Դատարանը հրաժարվել է բավարարել փոխհատուցման պահանջները և մատնանշել է, որ շենքի բռնագրավումն արդեն տեղի է ունեցել։