Հաստատվել են սեքսի և մաստուրբացիայի օգուտները

Երեկոյան սեռական ակտիվությունը իսկապես օգնում է ավելի լավ քնել։ Այսպիսի եզրակացության են հանգել ավստրալացի գիտնականները՝ ուսումնասիրելով երեկոյան սեռական ակտիվության ազդեցությունը քնի և ինքնազգացողության վրա: Արդյունքները հրապարակվել են Sleep Health ամսագրում:

Հետազոտությանը մասնակցել է 14 մարդ՝ յոթ երիտասարդ զույգ, որոնք ապրում են միասին և չեն տառապում քնի խանգարումներից: 11 գիշեր նրանք հետևել են տարբեր սցենարների՝ հրաժարվել են սեքսից, մաստուրբացիայով են զբաղվել կամ սեռական հարաբերություն են ունեցել։ Բոլոր մասնակիցներն օգտագործել են հատուկ սարքեր, որոնք ֆիքսել են քնի փուլերը, իսկ առավոտյան լրացրել են ինքնազգացողության մասին հարցաթերթիկներ։

Ինչպես ցույց են տվել արդյունքները, երեկոյան սեռական ակտիվությունից հետո քունը խորացել է, իսկ արթնանալը դարձել է ավելի հեշտ։ Օրգազմը ուղեկցվում է հորմոնների արտանետմամբ, որոնք նպաստում են թուլացմանը և վերականգնմանը, ինչպիսիք են օքսիտոցինը և պրոլակտինը, և սթրեսի մակարդակը նվազում է: