ՊԵԿ-ի տուգանքների դեմ ներկայացված հայցերը մեծամասամբ՝ մոտ 70 տոկոսով բավարարվում են․  «Փաստինֆո»

2021 թվականից մինչ օրս Պետական եկամուտների կոմիտեի դեմ Վարչական դատարան են ներկայացվել թվով 8890 հայցադիմում, որոնցից 5536-ը բավարարվել են։ Այս մասին «Փաստինֆո»-ի գրավոր հարցմանն ի պատասխան հայտնել են Դատական դեպարտամենտից։ 

Իսկ թե նշված որոշումներից քանիսն է մտել օրինական ուժի մեջ՝ կառույցից տեղեկություն չեն տրամադրել՝ նշելով, որ «Դատական համակարգ» տեղեկատվական համակարգչային ծրագրում համապատասխան որոնման գործիքների բացակայության պատճառով։ 

Այդուհանդերձ, փաստ է, որ ընդդեմ ՊԵԿ-ի ներկայացված հայցերից մոտ 70 տոկոսը բավարարվում է։ Ասել է թե՝ դատարանները մեծամասամբ գտել են, որ ՊԵԿ-ի տուգանքի ակտերը հիմնավոր չեն ու փոխանակ անհիմն ակտերի պրակտիկան վերացնեն, կառավարությունը որոշել է հակառակն անել. պարտադրել, որ անկախ ակտի հիմնավորումից տուգանքը բռնագանձել մինչեւ օրինական ուժի մեջ մտած դատական ակտ ունենալը։