Ինչու չի կարելի հեռախոս օգտագործել քնելուց առաջ
Այլ
Նորվեգիայի ինստիտուտի գիտնականները նոր հետազոտության արդյունքում պարզել են, որ քնելուց առաջ ընդամենը մեկ ժամ հեռախոս օգտագործելը 59%-ով մեծացնում է անքնության վտանգը և 24 րոպեով նվազեցնում քնի ժամանակը։
Հետազոտության շրջանակներում հարցում է իրականացվել 45202 մարդկանց շրջանում, ովքեր պատասխանել են այն հարցերին, թե որքան ժամանակ են անցկացնում սմարթֆոնի էկրանների առջև և ինչ սովորություններ ունեն քնելուց առաջ։
Այսպիսով, գաջեթ օգտագործելու յուրաքանչյուր ժամը նվազեցնում է քունը 24 րոպեով։ Միևնույն ժամանակ, մարդու մոտ անքնության զարգացման հավանականությունը մեծանում է (59%-ով)։ Հայտնի է, որ այն մարդիկ, ովքեր տառապում են անքնությունից կամ քրոնիկ քնի պակասից, ավելի բարձր ռիսկի են ենթարկվում քրոնիկ հիվանդությունների զարգացման համար։ Այդ թվում՝ սրտի հիվանդություն, շաքարախտ, հիպերտոնիա։
Հետազոտողները պարզել են, որ անկախ նրանից, թե մարդիկ ինչպես են օգտագործում իրենց սմարթֆոնները քնելուց առաջ, այնուամենայնիվ, նրանց քնի որակն ավելի վատանում է, իսկ քնի տեւողությունը՝ կարճանում:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
