«ԱՄՆ ազատագրման օրը» Apple-ի բաժնետոմսերը անկում են ապրել

Տեխնոլոգիական հսկա Apple-ի բաժնետոմսերը արտաբորսային առևտրի ընթացքում 7,5%-ով անկում են ապրել այն բանից հետո, երբ Դոնալդ Թրամփը հայտարարեց նոր առևտրային մաքսատուրքերի մասին: Սահմանափակումների ներդրման օրը նախագահն անվանել է «ԱՄՆ ազատագրման օր»։ Այս մասին հայտնում է MacRumors հրատարակությունը։

Նոր սակագները, որոնք ուղղված են մի շարք երկրների, որտեղ Apple-ը բաղադրիչներ է արտադրում իր iPhone-ների, iPad-ների և Mac-ների համար, սպառնում է ընկերության՝ մատակարարման շղթան դիվերսիֆիկացնելու ջանքերին, հայտնում են ԶԼՄ-ները:

Apple-ն ակտիվորեն տեղափոխում է իր արտադրանքի մի մասը այնպիսի երկրներ, ինչպիսիք են Հնդկաստանը, Վիետնամը և Թաիլանդը, սակայն դրանք բոլորը հայտնվել են այն երկրների ցանկում, որոնց նկատմամբ բարձր մաքսատուրքեր են սահմանվում: Նոր սակագները ներառում են 10% նվազագույն դրույքաչափ ԱՄՆ բոլոր առևտրային գործընկերների համար, ինչպես նաև «պատասխան տուրքեր» մի շարք երկրների համար, որտեղ գտնվում են Apple մատակարարները։