Ավտոկայանում «դիսպետչերները» ծեծել են վարորդին․ ինչ է պարզվել․ մանրամասներ

SHAMSHYAN.com-ի տեղեկություններով՝ մարտի 28-ին արտակարգ դեպք է տեղի ունեցել Կոտայքի մարզում։ ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կոտայքի բաժնում օպերատիվ տեղեկություն է ստացվել, որ Աբովյան քաղաքի Ռոսիայի փողոցում գտնվող ավտոկայանում 4 «դիսպետչեր» թիվ 50 համարի երթուղին սպասարկող ավտոբուսի վարորդին ծեծի են ենթարկում:

Ինչպես հայտնում է ֆոտոլրագրող Գագիկ Շամշյանը, ոստիկանության Կոտայքի բաժնի ծառայողները՝ բաժնի պետ Բաբկեն Աղաբաբյանի, բաժնի պետի տեղակալ Արսեն Սարգսյանի գլխավորությամբ պարզել են, որ ժամը 08։40-ի սահմաններում Աբովյան քաղաքի Ռոսիայի փողոցում գտնվող ավտոկայանում աշխատանքային հարցերի շուրջ վիճաբանություն է ծագել Կոտայքի մարզի բնակիչ 62-ամյա Արամ Հ․-ի և «Մուլտի տրանսպորտ» ՍՊԸ երթակարգավարներ, Կոտայքի մարզի բնակիչներ 40-ամյա Գևորգ Բ․-ի, 30-ամյա Վարդան Ա․-ի, 28-ամյա Սարգիս Ս․-ի և 24-ամյա Վոլոդյա Գ․-ի միջև։

Գ․ Շամշյանի տեղեկություններով՝ ոստիկանները պարզել են, որ վիճաբանության ընթացքում Սարգիս Ս․-ն ոտքով հարվածել է Արամ Հ․-ի ոտքին, ինչի հետևանքով պատճառվել է ֆիզիկական ցավ:

Դեպքի փաստով ոստիկանության Կոտայքի բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժին:

Գ․ Շամշյանի տեղեկություններով՝ Արամ Հ․-ն աշխատում է «Մուլտի տրանսպորտ» ՍՊԸ-ում՝ որպես վարորդ։