Ամերիկացին փորձել է «Կոկա–Կոլա» նվիրել վայրի ցեղին և ձերբակալվել

Հնդկաստանի իշխանությունները ձերբակալել են ամերիկացու՝ արգելված կղզում ապրող իզոլացված ցեղի հետ կապ հաստատելու փորձի համար։ Այս մասին գրում է Mirror-ը։

Ոստիկանության տվյալներով՝ ԱՄՆ քաղաքացի 24-ամյա Միխայիլ Պոլյակովը մարտի 26-ին ժամանել է Անդաման և Նիկոբար կղզիների մայրաքաղաք Պորտ Բլեր: Երեք օր անց նա ինքնաշեն նավակով հասել է հեռավոր Հյուսիսային Սենտինել կղզի, որտեղ ապրում է աշխարհի ամենաիզոլացված  ցեղը: Այնտեղ Պոլյակովը փորձել է սուլոցով և ժեստերով գրավել սենտինալցու ուշադրությունը, սակայն ոչ մի պատասխան չի ստացել։ Այնուհետև նա իջել է ափին, տեսագրել և թողել իր «նվերները»՝ մեկ տուփ Կոկա-Կոլա և կոկոս:

Վերադառնալիս Պոլյակովին նկատել են տեղացի ձկնորսները և հայտնել իշխանություններին։ Զբոսաշրջիկին անմիջապես ձերբակալել են տեղի օրենքները խախտելու համար, իսկ ոստիկանությունը խլել է նրա նավը, շարժիչը և GoPro տեսախցիկը կղզում կատարված տեսագրությամբ: Պոլյակովը, ըստ երևույթին, ուսումնասիրել է ծովի պայմանները և նավակից իջնելու հնարավոր վայրերը, նախքան կղզի հասնելը:

Միջադեպը սուր քննադատության է արժանացել բնիկ ժողովուրդների իրավունքների պաշտպանությամբ զբաղվողների կողմից: Այսպիսով, Survival International կազմակերպության տնօրեն Քերոլայն Փիրսը Պոլյակովի գործողություններն անվանել է անպատասխանատու և վտանգավոր ինչպես իր, այնպես էլ սենտինալցիների համար։ Այս ցեղը, ինչպես նշվում է, հայտնի է կողմնակի մարդկանց նկատմամբ իր ագրեսիվ արձագանքով, և նրանց տարածք այցելելը խստիվ արգելված է հնդկական օրենսդրությամբ։ Արգելքը մտցվել է սենտինալցիներին արտաքին հիվանդություններից պաշտպանելու համար, որոնց նկատմամբ նրանք անձեռնմխելիություն չունեն: