ԱՄՆ զինված ուժերը քննարկում են Իրանին կրկնակի հարվածներ հասցնելու հավանականությունը

ԱՄՆ-ն քննարկում է Իրանի երկու ավելի քիչ վնասված միջուկային օբյեկտների վրա լրացուցիչ հարվածներ հասցնելու հնարավորությունը, եթե Թեհրանը չհամաձայնվի վերսկսել բանակցությունները ԱՄՆ նախագահ Դոնալդ Թրամփի վարչակազմի հետ միջուկային համաձայնագրի շուրջ, հաղորդում է NBC-ն՝ հղում անելով աղբյուրներին։

Եթե Իրանի միջուկային ծրագրին հասցված վնասի վերաբերյալ նախնական եզրակացությունները հաստատվեն նոր հետախուզական տվյալների ստացման հետ մեկտեղ, Միացյալ Նահանգները կարող է կրկին հայտնվել հակամարտության մեջ», - ասվում է հեռուստաալիքի հայտարարության մեջ։

Աղբյուրների համաձայն՝ ԱՄՆ կենտրոնական հրամանատարությունը մշակել է Իրանին հարվածելու «շատ ավելի համապարփակ ծրագիր», որը կներառի գործողության ընթացքում ևս երեք օբյեկտներին հարվածներ։ Վերջինս, ենթադրաբար, կտևի «շաբաթներ, ոչ թե մեկ գիշերվա ընթացքում»։

Հեռուստաալիքը հաղորդում է, որ Իրանում ուրանի հարստացման երեք օբյեկտներից մեկը, որոնց ԱՄՆ-ն հարվածել է հունիսին, «գրեթե ամբողջությամբ ոչնչացվել է»։ Սա զգալիորեն դանդաղեցրել է ուրանի հարստացման աշխատանքների տեմպը։ Միևնույն ժամանակ, մյուս երկու օբյեկտները «այնքան շատ չեն վնասվել»։

Այս առումով, ուրանի հարստացումը կարող է վերսկսվել առաջիկա մի քանի ամիսների ընթացքում, «եթե Իրանը ցանկանա դա»։