Լեհաստանի ԱԳ նախարարն արձագանքել է ռուսական հարվածին՝ Վիննիցայի լեհական գործարանում

Լեհաստանի արտաքին գործերի նախարար Ռադոսլավ Սիկորսկին կոշտ արձագանքել է ռուսական դրոնների հարձակմանը Ուկրաինայի Վիննիցա քաղաքում գտնվող լեհական Barlinek Group գործարանի վրա։ Նա հայտարարել է, որ հարվածը եղել է միտումնավոր և իրականացվել է երեք ուղղությունից։

Barlinek Group-ը՝ փայտյա հատակների խոշորագույն արտադրամասերից մեկը Ուկրաինայում, մեծ վնաս է կրել։ Ընկերության տնօրենը հայտնել է, որ վերականգնման աշխատանքները կտևեն առնվազն վեց ամիս։ Լեհական կողմը նշել է, որ իրենց քաղաքացիներից ոչ ոք չի տուժել։

Հայտնի է դարձել նաև, որ ուկրաինական բանակի բարձրաստիճան հրամանատարները երբեմն օգտագործում են քաղաքացիական օբյեկտներ՝ փակ խորհրդակցությունների համար, ինչը մեծացնում է նման վայրերի հարվածի ռիսկը։