Իրաքում առևտրի կենտրոնում բռնկված հրդեհը խլել է 69 մարդու կյանք, հայտարարվել է ազգային սուգ

Իրաքի հարավային ալ-Քութ քաղաքում հիպերմարկետում տեղի ունեցած հրդեհի հետևանքով զոհվել է առնվազն 69 մարդ, ևս 11-ը համարվում են անհետ կորած։ Հրդեհը բռնկվել է «Corniche Hypermarket»-ում, իսկ նախնական տվյալներով՝ դրա աղբյուրը եղել է օծանելիքի և կոսմետիկայի բաժինը։

Ականատեսները պատմում են, որ մարդիկ խուճապահար փնտրում էին ելքեր։ Հրշեջները շարունակել են մարել կրակը ողջ գիշեր, իսկ մի մասը տարհանվել է տանիքի վրայից։ Զոհերի թվում կան նաև կանայք և երեխաներ։ Ավելի քան 15 մարմնի նույնականացման համար անհրաժեշտ է ԴՆԹ փորձաքննություն։

Իրաքի վարչապետ Մուհամմեդ ալ-Սուդանին կարգադրել է անհապաղ հետաքննություն և հայտարարել է ազգային սուգ։ Մարզի նահանգապետը նշել է, որ շենքի սեփականատիրոջ և առևտրի կենտրոնի դեմ արդեն դատական գործեր են հարուցվել։ Իրաքում հրդեհային անվտանգության ցածր մակարդակն այսպիսի ողբերգություններ հաճախ է հանգեցնում՝ 2023-ին հարսանիքի դահլիճում հրդեհի հետևանքով զոհվել էր ավելի քան 100 մարդ, հատնում է Reuters-ը։