ԱՄՆ-ում հյուրանոցից տասնյակ սիրամարգեր են անհետացել

ԱՄՆ հյուրանոցից տասնյակ սիրամարգեր են գողացել, հաղորդում է AP News-ը։

Սիրամարգերը, որոնք երկար ժամանակ հանգստավայրի անբաժանելի մասն էին կազմում, հանկարծակի անհետացել են Սակրամենտո դելտայի պատմական Art Deco Ryde հյուրանոցից։ Աշխատակազմը պնդում է, որ թռչունները, հնարավոր է, դիտավորյալ են գողացել։

Հյուրանոցի ղեկավարությունը կասկածներ է հայտնել, երբ մի հյուր տեղեկացրել է, որ տեսել է, թե ինչպես են երկու տղամարդ սիրամարգերից մեկը դրել վանդակի մեջ և տարել բեռնատարով։ Ստուգելուց հետո պարզվել է, որ մնացել է միայն չորս թռչուն։

«Մենք շատ վշտացած ենք։ Այս սիրամարգերը ոչ միայն զարդարանքներ էին, այլև մեր ընտանիքի անդամները», - ասել է գլխավոր մենեջեր Դեյվիդ Նիլսենը։