Վրաստանի կառավարությունը հայց է ներկայացրել Սահմանադրական դատարան՝ ընդդեմ նախագահի

Վրաստանի կառավարությունը հայց է ներկայացրել Սահմանադրական դատարան՝ ընդդեմ հանրապետության նախագահ Սալոմե Զուրաբիշվիլիի՝ իշխանության ճյուղերի միջև իրավունքներն ու լիազորությունները հստակեցնելու խնդրանքով։ ՏԱՍՍ-ի փոխանցմամբ՝ այս մասին ասվում է կառավարության վարչակազմի ղեկավար Ռևազ Ջավելիձեի տարածած մեկնաբանության մեջ։

Ինչպես նշել է Ջավելիձեն, Սահմանադրական դատարան դիմելու պատճառը կառավարության առաջարկով մի շարք երկրներում դեսպաններ նշանակելուց նախագահի մերժումն է։ Ըստ նախարարների կաբինետի՝ դեսպանների նշանակումը և նրանց պաշտոնանկությունը չի մտնում Վրաստանի նախագահի սահմանադրական լիազորությունների մեջ։

«Վրաստանի կառավարությունը պարզաբանումներ է պահանջում Վրաստանի նախագահի և կառավարության միջև իրավունքների և լիազորությունների բաշխման վերաբերյալ՝ կապված Վրաստանի դեսպանների և դիվանագիտական ​​առաքելությունների ղեկավարների նշանակման հետ», - ասել է Ջավելիձեն։

Իշխող «Վրացական երազանք Ժողովրդավարական Վրաստան» կուսակցության և նախագահի միջև վեճերը սկսվեցին այն բանից հետո, երբ Զուրաբիշվիլին, մարտին ելույթ ունենալով խորհրդարանում իր ամենամյա ուղերձում, ասաց, որ ինքը այցելել է մի շարք եվրոպական երկրներ՝ առանց կառավարության համաձայնության։ Իշխող կուսակցությունը նախագահին մեղադրել է սահմանադրությունը խախտելու մեջ, իսկ ավելի ուշ կառավարությունը հավելել է, որ նախագահը դեմ է մի շարք դեսպանների նշանակմանը։ Դիվանագետների անունները չեն նշվում։

Սահմանադրության համաձայն՝ Վրաստանը խորհրդարանական հանրապետություն է։ Արտաքին և ներքին քաղաքականության հիմնական ուղղությունները սահմանում է խորհրդարանը, իսկ դրանք իրականացնում է կառավարությունը՝ վարչապետի գլխավորությամբ։

Այս թեմայով ՀՀ տարածքում կան փակ ավտոճանապարհներ․ Վրաստան ուղևորվելիս ինչպես շրջանցել Մ-6 մայրուղին Պարտադիր առողջապահական ապահովագրություն՝ Վրաստան մուտք գործելու համար․ օրենքը կգործի 2026 թվականից Թբիլիսիում վերսկսվել են զանգվածային ցույցերը (տեսանյութ) ԵԽ պատգամավորները պահանջում են չեղարկել Վրաստանի՝ ԵՄ թեկնածուի կարգավիճակը «Անոնիմուսը» շարունակում է արգելափակել Վրաստանի կառավարական կայքերը Ամերիկացի նախկին հետախույզը հայտարարել է Վրաստանում պետական հեղաշրջում իրականացնելու ԿՀՎ-ի ծրագրերի մասին Վրաստանի վարչապետն ԱՄՆ նախկին դեսպանին մեղադրել է երկրում հեղափոխական սցենարներին աջակցելու մեջ Վրաստանի վարչապետը հրաժարվել է ԱՄՆ այցից Լարված իրավիճակ՝ Թբիլիսիում․ ցուցարարները վնասել են խորհրդարանի դարպասները (տեսանյութ) Վրաստանի խորհրդարանը երկրորդ ընթերցմամբ ընդունել է «օտարերկրյա գործակալների» մասին օրինագիծը