Ուր են և ինչու են լռում Հայաստանի խոշոր գործարարներն ու պաշտոնյաները. Ալբերտ Այվազյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Այսօր կանդրադառնանք Շիրակի փոխմարզպետ Ալբերտ Այվազյանին, ով վերջերս հայտնվել էր բավական լուրջ սկանդալի կիզակետում: ՀՀ Կոռուպցիայի կանխարգելման հանձնաժողովը՝ Հայկուհի Հարությունյանի նախագահությամբ, քննարկելով Ալբերտ Այվազյանի Շիրակի փոխմարզպետի հանրային պաշտոնը զբաղեցնելու ու միաժամանակ Ախուրյան խոշորացված համայնքի ավագանու անդամ լինելու հարցը, հանգել է այն եզրակացության, որ նրա կողմից անհամատեղելիության պահանջները խախտվել են։ Ընդ որում, այս դեպքում պաշտոնի անհամատեղելիությունը ոչ թե առնչվում է ավագանու անդամի, այլ մարզպետի տեղակալի պաշտոնին, ուստի և այդ խախտումը, ըստ հանձնաժողովի, հիմք է մարզպետի տեղակալի լիազորությունների դադարեցման: Սակայն, ՔՊ-ականների համար, կարծես թե, այդ հիմքերը բավարար չեն, նրանք աչքի լույսի պես են պահում ճամբարափոխ փոխմարզպետին:

Այվազյանը երկար տարիներ Շիրակի մարզի Առափի համայնքի համայնքապետն էր, սակայն ուշագրավը նրա՝ խոշորացվող Ախուրյան համայնքի ընտրություններում մասնակցելն էր: Ալբերտ Այվազյանը ՔՊ-ի համայնքապետի թեկնածուն էր, ու չնայած ՔՊ-ն ընտրության արդյունքներով առաջատար էր` նա չընտրվեց համայնքապետ: Ամասիայում և Ախուրյանում ՔՊ պարտությունից հետո իշխանական թևում դժգոհություն էր հասունացել մարզի ՔՊ կառույցի նկատմամբ: Եւ ամենևին պատահական չէր Այվազյանին սիրաշահելու, փոխմարզպետի պաշտոնը շնորհելու քայլը:

Այվազյանը, երկար տարիներ զբաղեցնելով համայնքապետի պաշտոնը, իրեն փորձում էր դիրքավորել իբրև հայրենասեր պաշտոնյա, գործընկերներից հեռու չէր մնում հանուն Հայաստանի և Արցախի բարեկեցության բարձրացրած կենացներով: 2015-ին մեծ տոնախմբությամբ Մեծ Հայրենականի ու Արցախյան հերոսամարտի հերոսներին նվիրված հուշակոթող էր բացում: «Թող այսուհետ այս վայրը յուրաքանչյուր առափեցու համար դառնա սրբատեղի ու ուխտատեղի, բոլոր զինվորներն այստեղից բանակ ճանապարհվեն, այստեղ էլ դիմավորվեն, նոր կազմավորվող ընտանքիները թող առաջին այս տեղն այցելեն՝ ի հիշատակ այն բոլոր մարդկանց, ովքեր նահատակվեցին հանուն այսօրվա»,-իր խոքսում նշում էր համայքնի ղեկավարը: Բացի այդ, Առափի համայնքի ավագանու որոշմամբ համայնքի Մեծ Հայրենականի մասնակից 2 վետերան և Հունգարիայի ազատագրման 1 մասնակից ստացել էին դրամական պարգև՝ խորհրդանաշական 70 հազար դրամ գումար:

Այժմ, երբ Ալբերտ Այվազյանը համայնքի ղեկավարի պաշտոնից հասել է փոխմարզպետի պաշտոնի և ասում են՝ նույնիսկ մարզպետական ամբիցիաներ է դրսևորում, նա լռում է: Լռում է, երբ լրջագույն ռիսկեր են ստեղծվել Հայաստանի անվտանգության համար, իսկ Արցախի՝ որպես անկախ պետության գոյությունը դրվել է հարցականի տակ: Ինչպես ասում են՝ պաշտոնն ավելի կարևոր գտնվեց, քան սկզբունքները, և Այվազյանը շատ արագ մոռացավ տարիներ առաջ հանուն մեր հերոսների հնչեցրած իր կենացները:

Շարունակելի...

Այս թեմայով Դատարանն անփոփոխ թողեց Ալբերտ Բազեյանի խափանման միջոցը Հարթակում չկա ապագա վարչապետի թեկնածուն. պայքարը դիտվում է որպես «ռոբասերժական» և «փաշինյանական» ուժերի բախում. Արմեն Այվազյան Մի գեղեցիկ օր Ադրբեջանի հայասպանները ևս կարող են ՄՔԴ կանչվել. Արմեն Այվազյան Այս պահին ԻԻՀ-ն, փաստացիորեն, ՀՀ-ի անվտանգության երաշխավորն է․ ճիշտ կլինի` ՀՀ-ում մեկօրյա սուգ հայտարարվի․ Արմեն Այվազյան Ռուսաստանն ու Արևմուտքը վաղուց եկել են համաձայնության, որ Հայաստանի շահերը պետք է ոտնահարվեն. Արմեն Այվազյան (տեսանյութ) Կարծում եմ՝ պատահական չէ, որ թուրքամետ ֆիլմը ցուցադրվում է հենց այս օրերին․ Արմեն Այվազյան Հայաստանի Հանրապետության հիմնական պետական ինստիտուները երբեք չեն հայկականացվել․ Արմեն Այվազյան Ալբերտ Ազարյանի անվան մարզադպրոցի նախագիծը պատրաստ է. այն կկառուցվի 2 տարում Ինչ է անում փաշինյանական խունտան Հայաստանի սահմանները թուլացնելու առումով․ Արմեն Այվազյան Ռուսաստանի հետ մեր հարաբերությունները խորը ճգնաժամ են ապրում․ ՀՀ ԱԳ նախկին նախարար