Կստիպենք զղջալ ՀԱՄԱՍ -ի ղեկավարի մահվան համար. Իրանը սպառնացել է Իսրայելին

Իրանի նախագահ Մասուդ Փեզեշքիանը հայտարարել է, որ Թեհրանը «կստիպի զղջալ» պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեի մահվան մեջ ներգրավվածներին։ Իրանի գերագույն առաջնորդ այաթոլլա Ալի Խամենեին, ով կատարվածի համար մեղադրել է Իսրայելին, խոստացել է «խիստ պատիժ» Իսմայիլ Հանիեի մահվան համար, գրում են միջազգային ԶԼՄ-ները։

«Այսօր Իրանը սգում է նահատակ Իսմայիլ Հանիեին։ Իրանի և Պաղեստինի երկու ժողովուրդների միջև կապը կլինի ավելի ամուր, քան երբևէ, ճնշվածների դիմադրությունն ու պաշտպանությունը կլինի ավելի կատաղի, քան երբևէ։ Իրանի Իսլամական Հանրապետությունը կպաշտպանի իր տարածքային ամբողջականությունը և կստիպի ահաբեկիչ զավթիչներին զղջալ իրենց վախկոտ արարքի համար»,- գրել է Մասուդ Փեզեշքիանը X-ի իր էջում:

Իրանի գերագույն առաջնորդը նույնպես ցավակցություն է հայտնել ՀԱՄԱՍ-ի քաղբյուրոյի ղեկավարի մահվան կապակցությամբ։ Նա Իսմայիլ Հանիեին անվանել է «պաղեստինյան մոջահեդների քաջարի առաջնորդ» և խոստացել «խիստ պատիժ» նրա մահվան համար։

«Այս գործողությամբ հանցավոր սիոնիստական ​​ռեժիմը պատրվակ է ստեղծել խիստ պատժի համար, և մենք մեր պարտքն ենք համարում վրեժ լուծել Իրանի Իսլամական Հանրապետության տարածքում նահատակվածի արյան համար»,- ասվում է Ալիի Խամենեի մամուլի ծառայության տարածած հայտարարության մեջ։

Իսմայիլ Հանիեն մահացել է Թեհրանում գտնվող տան վրա ուղիղ հրթիռի հարվածի հետևանքով, ուր նա եկել էր Մասուդ Փեզեշքիանի երդմնակալությանը մասնակցելու։ ՀԱՄԱՍ-ը, ինչպես և Իրանը, հարձակման պատասխանատվությունը բարդել են Իսրայելի վրա։ Իսրայելի իշխանությունները դեռ չեն մեկնաբանել տեղեկությունը։

Այս թեմայով «Վլադիմիր Պուտինը կստորագրի իր մահվան դատավճիռը». Բոլթոն ՌԴ-ն հավանում է ուկրաինական խնդրի բանակցությունների համար «կամուրջ կառուցելու» Չինաստանի ծրագիրը Երկարակեցության համար պատասխանատու են առողջության հինգ կարևոր ցուցանիշները. GeroScience Իրանը հերքել է Ռուսաստանին բալիստիկ հրթիռներ վաճառելու լուրերը Փաշինյան. Պետությունը հենց դրա համար է, որ ստուգի, արդյո՞ք կենացով ստանձնված տուրքը տրվել է հայրենիքին Իգոր Սարգսյանն ազատվել է բնապահպանության և ընդերքի տեսչական մարմնի ղեկավարի տեղակալի պաշտոնից Մասնագետներն անվանել են սեքսի համար ամենավատ երգը Հայտնի մոդելի քույրը մահվան դուռն է հասել նիհարելու համար դեղամիջոցն ընդունելուց հետո Այս տարվա առաջին 8 ամիսներին «կարմիր գծերի» Ա և Բ գոտիների համար վճարվել է ավելի քան 1 մլրդ 539 մլն 256 հազար դրամ․ ՓաստԻնֆո Կեսարյան հատումների աճը զսպելու համար ԱՆ-ն նոր ծրագիր է մշակել