4 ընտանիքին բնակարանի գնման մեկ վկայագիր է տրվել. ահազանգ. News.am

Շուշեցի Հայրապետյանների ընտանիքը անելանելի վիճակում է հայտնվել, երբ պատահաբար տեղեկացել է, որ լինելով 2020 թվականին տեղահանված ընտանիք, այժմ զրկվում է 2023 թվականի աջակցության ծրագրից այն դեպքում, երբ ընտանիքը 2020-ին վերադարձել էր Արցախ ու կրկին տեղահանվել 2023 թվականին։

NEWS.am-ի հետ զրույցում արցախցի Անի Հայրապետյանը պատմում է՝ խնդիրը ոչ միայն դա է, այլ այն, որ 4 ընտանիքին մեկ սերտիֆիկատ է հատկացվել․

«Հունիսին իմացանք, որ մեզ սերտիֆիկատ է հատկացվել բնակարան գնելու համար: Մեզ  այդ մասին չեն ծանուցել, ու իմ նման հարյուրավոր մարդիկ չեն իմացել, որ նման սերտիֆիկատ կա: Հիմա պարզել ենք, որ Շուշիից տեղահանված ընտանիքները համարվում են սերտիֆիկատի շահառու: Չնայած նրան, որ մենք նաև 2023 թվականին ենք տեղահանվել, զրկվել ենք նաև 40+10 աջակցությունից»,-ասում է նա՝ նշելով, որ Գյումրիում բնակություն հաստատած իրենց ընտանիքը մայիսից չի ստանում տրամադրվող աջակցությունը:

«Ստացվում է, թե իբրև մենք այդ երեք տարիների ընթացքում Երևանում ապահով նստած ենք եղել, բլոկադա չենք տեսել»,-ասում է Անին: Արցախցու խոսքով, 10 մլն դրամ արժողությամբ մեկ սերտիֆիկատը տրվել է 15 անձի։ Անիի խոսքով, ամուսնու հարազատները երբևէ իրենց հետ չեն ապրել, ո՛չ Արցախում, ո՛չ էլ Հայաստանում. Ինչպե՞ս կարող են հիմա մեկ բնակարան գնել ու միասին մի տան մեջ ապրել: «Մեզ ասում են, որ սերտիֆիկատը տալու համար ընտանիքի կազմի մասին տեղեկությունը վերցվել է Շուշիի ղեկավարությունից, սակայն Շուշիի քաղաքապետ Արծվիկ Սարգսյանը մեզ ասաց, որ իրենցից ոչ թե սերտիֆիկատների տրամադրման համար են տվյալներ ուզել, այլ ՅՈւՆԵՍԿՕ-ի համար Բաքվից տեղահանվածների տվյալներն են ուզել: Ամուսնուս ծնողները Բաքվից են եկել»,-պատմում է Անին:

Նրա խոսքով, փաստաբանները, որոնց դիմել է ընտանիքը, առաջարկում են հրաժարվել 2023 թվականին տեղահանված ճանաչվելու մտքից և դիմել դատարան, պահանջել առանձնացնել ընտանիքների կազմը, և 4 ընտանիքներին առանձին սերտիֆիկատներ տրամադրել:

Աշխատանքի և սոցիալական հարցերի նախարարությունից NEWS.am-ին պարզաբանեցին, որ ԼՂ առանձին շրջաններից տեղահանված ընտանիքների բնակարանային մատչելիության ապահովման պետական աջակցության ծրագրի շրջանակում հավաստագիր տրամադրվում է ընտանիքին՝ անկախ անդամների թվից։ «30․06․2020-23 թթ․ ԼՂ ՏԿԵ նախարարության կողմից տրամադրված ցանկում ընտանիքը ներկայացվել է 9 անդամով, որոնց 2024 թ․ հունիսի 17-ին տրվել է հավաստագիր։ Հավաստագիրը հիմք է հանդիսացել 40+10 հազար դրամ ծրագրի շրջանակում աջակցության դադարեցման համար, քանի որ տվյալ միջոցառմամբ առկա է նման սահմանափակում»:  

По теме NBC News: Трамп в новой книге написал, что хорошо ладил с Путиным ABC News: Роберт Кеннеди-младший планирует покинуть президентскую гонку к концу этой недели Трамп заявил, что Харрис отказалась от участия в дебатах с ним на канале Fox News Дональд Трамп: есть договоренность с Fox News о дебатах с Камалой Харрис CBS News: США планируют предоставить статус нелегальным мигрантам, прожившим в стране 10 лет Самолет Вооруженных сил Украины впервые поразил цель на территории России: Sky News CBS News: Субботние переговоры между Израилем и ХАМАСом завершились без каких-либо изменений CBS News: США согласились вывести войска из Нигера Fox News: К дому советника президента США подбросили навоз