Օգնության են հասել փրկարարները

Մարտի 3-ին, ժամը 23.33-ին ահազանգ է ստացվել, որ Երևանի Գյուրջյան փողոցի թիվ 1 շենքի բնակարաններից մեկի վատառողջ բնակչին իր բնակարանից իջեցնելու և շտապօգնության ավտոմեքենային մոտեցնելու համար անհրաժեշտ է փրկարարների օգնությունը:

Դեպքի վայր մեկնած հրշեջ-փրկարարները Վ. Չ.-ին (ծնվ.1929թ.) ցուցաբերել են համապատասխան օգնություն:

***
Մարտի 3-ին, ժամը 15.55-ին տեղեկություն է ստացվել, որ Արագածոտնի մարզի Աշտարակ քաղաքի քաղաքապետարանում քաղաքացին աստիճաններից ընկել է և վնասվել. անհրաժեշտ է օգնություն:

Դեպքի վայր է մեկնել մարզային փրկարարական վարչության օպերատիվ խումբը:

Հրշեջ-փրկարարները Ա. Թ.-ին (ծնվ. 1975թ.) պատգարակով մոտեցրել են շտապօգնության ավտոմեքենային, ում հոսպիտալացրել են Աշտարակի ԲԿ:

Բժիշկները տուժածի առողջական վիճակը գնահատել են բավարար:

***
Մարտի 3-ին, ժամը 12.49-ին տեղեկություն է ստացվել, որ Լոռու մարզի Վանաձոր քաղաքի Ներսիսյան փակուղու թիվ 7 շենքի բնակարաններից մեկի վատառողջ բնակչին իր բնակարանից իջեցնելու և շտապօգնության ավտոմեքենային մոտեցնելու համար անհրաժեշտ է փրկարարների օգնություն:

Դեպքի վայր մեկնած հրշեջ-փրկարարները Լ. Ա.-ին (ծնվ. 1940թ.) ցուցաբերել են համապատասխան օգնություն: Լ.Ա.-ը հոսպիտալացվել է Վանաձորի ԲԿ: