«Համլետ» բալետի համաշխարհային պրեմիերան տեղի կունենա Ռուսաստանում
Գիտություն և Մշակույթ
Մոսկվայի Պետական ակադեմիական մեծ թատրոնը (ՊԱՄԹ) Վիլյամ Շեքսպիսի «Համլետ» պիեսի հիման վրա կներկայացնի համանուն բալետի համաշխարհային պրեմիերան: Այդ մասին, ինչպես տեղեկացնում է «Արմենպրես»-ը, հաղորդել է ՏԱՍՍ-ը՝ վկայակոչելով թատրոնի մամուլի ծառայությունը: Գլխավոր փորձը կկայանա մարտի 10-ին, մի շարք պրեմիերային ցուցադրություններ կանցկացվեն մարտի 11-ից մինչև 15-ը:
Ներկայացումն ստեղծել է միջազգային թիմը՝ բրիտանացի ռեժիսոր Դեկլան Դոնելան, նրա հայրենակից, սցենոգրաֆ Նիկ Օրմերոդը և մոլդովացի խորեոգրավ Ռադու Պոկլիտարուն, որը 2014 թվականին մասնակցել է Սոչիի Օլիմպիական խաղերի բացման և փակման արարողությունների բեմադրությանը: Նույն այս եռյակն է աշխատել «Ռոմեո և Ջուլիետ» բալետի վրա, որի պրեմիերան տեղի է ունեցել 2003 թվականին ՊԱՄԹ-ում:
Երկու գործողությամբ բալետը, դրա ստեղծողների խոսքով, հաջողվել է պատրաստել ընդամենը երկու ամսում: Երաժշտական հիմք են դարձել Դմիտրի Շոստակովիչի Հինգերորդ և Տասնհինգերորդ սիմֆոնիաները: Ընդամենը պատրաստվել է կատարողների երեք կազմ:
Շեքսպիսի ամենահայտնի ողբերգություններից մեկն առաջին անգամ հրապարակել են 1603 թվականին: Պիեսը քանիցս էկրանավորվել է ամբողջ աշխարհում: Ներկայումս գոյություն ունի «Համլետ» օպերայի երեք տարբերակ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
