Նոր մանրամասներ՝ Գյումրիի կրակոցներից

Ինչպես տեղեկացրել էինք, գիշերը Գյումրիում կրակոցներ են հնչել:

Լուրեր են շրջանառվում, որ այս դեպքը կապ ունի առավոտյան Երևան-Գյումրի-Բավրա ավտոճանապարհի 138-րդ կիլոմետրում տեղի է ունեցած վթարի հետ:

«Ցայգի» փոխանցմամբ՝ տուժածների ինքնությունը պարզվել է: Նրանք են՝ Ղազարյան Կնյազ Սմբատի, Ղազարյան Գագիկ Սմբատի, Ղազարյան Սմբատ Կնյազի, Հակոբյան Վլադիմիր Ալբերտի, Գևորգյան Համլետ Վարդգեսի և Ղուկասյան Գագիկ:

Վերջիններս հրազենային վնասվածքներով և դանակահարության հետքերով տեղափոխվել են «Գյումրի» ԲԿ՝ Տերյան փողոցի «Պեգաս» խանութի մոտից:

Համապատասխան բուժզննությունից հետո հրազենից ստացված գանգուղեղային վնասվածքով Կնյազ Ղազարյանին, հրազենից ստացված ձախ ուսի հատվածում վնասվածքով՝ Գագիկ Ղազարյանին և բութ գործիքով հարվածի հետևանքով գանգուղեղային վնասվածքով Գագիկ Ղուկասյանին շտապբուժօգնության մեքենաներով տեղափոխել են Երևան: Նրանց վիճակը գնահատվում է ծանր: Այս մասին «Ազդարար» լրատվականին հայտնում է Գյումրու բժշկական կենտրոնի տնօրեն Արմեն Իսահակյանը: Նա նաև նշում է, որ մյուս երեք տուժածների վիճակը համեմատաբար բավարար է և նրանք շարունակում են մնալ Գյումրու բժշկական կենտրոնում:

Հավելենք նաև, որ տուժածներից երկուսի մոտ առկա են դանակահարության հետևանքով ստացված վերքեր ոտքի հատվածում:

Մանրամասները՝ սկզբնաղբյուր կայքում