«Յուքոմի» աննախադեպ նախաձեռնությունը. բացվում է նոր օնլայն մասնաճյուղ (լուսանկարներ, տեսանյութ)

Այսօր հանդիսավոր արարողությամբ բացվեց «Յուքոմի» օնլայն մասնաճյուղը: Հաղորդակցման ոլորտում նորությունների առաջատար «Յուքոմ» ընկերությունը ներկայացրեց ևս մեկ նախաձեռնություն, որը մեծապես կօգնի ցանցի բաժանորդներին ավելի արդյունավետ տնօրինել իրենց ժամանակը և օնլայն կառավարել իրենց «Յուքոմ» ծառայությունը:

Օնլայն մասնաճյուղի բացմանը ներկա էր նաև ինտերնետի անվտանգության և սոցիալական մեդիայի փորձագետ Սամվել Մարտիրոսյանը. նա օնլայն մասնաճյուղի առաջին հյուրն էր:

Օնլայն մասնաճյուղի ստեղծմամբ «Յուքոմ» ընկերությունը նպատակ ունի առավել հեշտացնել իր բաժանորդների՝ մի շարք ծառայություններից օգտվելու հնարավորությունը: Առաջին անգամ Հայաստանում գործարկվում է մի ծառայություն, որի միջոցով «Յուքոմի» օգտատերերը, առանց «Յուքոմի» սպասարկման կենտրոն այցելելու, իրենց տանից կամ աշխատավայրից արագ կկարողանան կատարել իրենց անհրաժեշտ գործողությունները՝ կնքել կամ վերակնքել պայմանագիր, փոխել կամ թարմացնել «Յուքոմ» ծառայությունների փաթեթը, փոխել ինտերնետի սակագնային պլանը, ակտիվացնել Wi Fi ինտերնետային ծառայությունը, կատարել առցանց վճարումներ և այլ գործողություններ:

Ինչպես իր խոսքում նշեց «Յուքոմ» ընկերության տնօրեն Հայկ Եսայանը. «Ժամանակակից աշխարհում կյանքը շատ արագ է շարժվում առաջ, իսկ մարդուն ավելի ու ավելի քիչ ժամանակ է մնում զբաղվելու իր սիրելի գործով, լինել տանը՝ մտերիմների ու ընկերների հետ: Յուրաքանչյուր անգամ ծառայությունների փոփոխության համար գրասենյակ այցելելը նշանակում է՝ կորցնել ևս մի քանի ժամ: Մենք առաջարկում ենք մի նոր հնարավորություն՝ օգտվելով որից, մարդիկ այլևս ստիպված չեն լինի երկար ժամանակ վատնել «Յուքոմի» ծառայությունների փոփոխման կամ վճարում կատարելու համար»:

Օնլայն մասնաճյուղի ներակայացումը կարող եք դիտել այստեղ: