Լոնդոնի կենտրոնում սկսվել է XVII դարի Ժանտախտի մեծ համաճարակի զոհերի հազարավոր կմախքների արտաշիրիմումը

Բրիտանացի հնագետները Լոդոնի կենտրոնում ձեռնամուխ են եղել 1665 թվականի Ժանտախտի մեծ համաճարակի զոհերի զանգվածային թաղման՝ երեք հազար կմախքների արտաշիրմմանը: Դրանք հայտնաբերվել են մետրոյի նոր գծի կառուցման ժամանակ, որը կոչված Է կապելու Մեծ Բրիտանիայի մայրաքաղաքի արևելյան և արևմտյան մասերը, տեղեկացնում Է «Արմենպրես»-ը:

Հազարավոր աճյունները հայտնաբերվել են Լիվերպուլ փողոցի շրջանում, որտեղ պլանավորվում Է կառուցել մետրոյի ելք: Այժմ, նախքան շինարարական աշխատանքների շարունակումը, հնագետները պետք Է հանեն բոլոր աճյունները, իսկ ուսումնասիրումից հետո դրանք վերստին հանձնեն հողին:

Գիտնականները հուսով են, որ Բեդլամի գերեզմանոց անվանմամբ հայտնի վայրում թաղված մարդկանց ոսկորների անալիզը թույլ կտա ավելի լավ հասկանալ, թե ինչպես Է զարգացել այն վարակի պատճառ դարձած մանրԷահիմքը, որը «հնձել Է» այն ժամանակվա Լոնդոնի բնակչության հինգերորդ մասին, այսինքն՝ շուրջ 100 հազար մարդու:

«Այդ պեղումներն իրենցից եզակի հնարավորություն են ներկայացնում հասկանալու, թե XVI – XVII դարերում ինչպես են ապրել և ինչից են մահացել լոնդոնցիները»,- մեջբերում Է «Քրոսրեյլը» հնագետ Ջեյ Քարվերի խոսքը: Նրա ասելով՝ աճյունների անալիզը կօգնի ուսումնասիրելու «Լոնդոնի պատմության ամենաբուռն շրջաններից մեկը»:

Ինչպես սպասվում Է, գիտնականները վերլուծման կենթարկեն յուրաքանչյուր կմախք և հնարավորինս կվերականգնեն թաղված մարդկանց կյանքի պատմությունը: Պատմական գրառումների համաձայն՝ նրանք պատկանել են միանգամայն տարբեր սոցիալական խմբերի՝ ռամիկների հետ մեկտեղ այն ժամանակվա Լոնդոնի սահմաններից դուրս գտնվող այս վայր են բերվել նաև ազնվատոհմ քաղաքացիների դիակներ: Այսպես, թաղված մարդկանց ցուցակների համաձայն՝ նրանց թվում, ում կմախքները կարտաշիրմվեն, գտնվում Է Լոնդոնի 1575 թվականի քաղաքագլուխ սըր Ամբրոզ Նիկոլասի աճյունը, հաղորդել Է ՏԱՍՍ-ը: