Շարմազանովը Չեխիայի Սենատի փոխնախագահին հրավիրել է մասնակցելու Ցեղասպանության տարելիցի միջացառումներին
Քաղաքական
Պաշտոնական այցով Չեխիայի Հանրապետությունում գտնվող ՀՀ ԱԺ փոխնախագահ Էդուարդ Շարմազանովի գլխավորած պատվիրակությունը մարտի 10-ին հանդիպում է ունեցել Չեխիայի խորհրդարանի սենատի փոխնախագահ Զդենեկ Շկրոմախի հետ: Ինչպես «Արմենպրես»-ին տեղեկացրին ՀՀ ԱԺ հասարակայնության և տեղեկատվության միջոցների հետ կապերի վարչությունից, երկուստեք կարևորվել է փոխայցերի, ինչպես նաև Ազգային ժողովի և Սենատի համագործակցության անհրաժեշտությունը հայ-չեխական, մասնավորապես, միջխորհրդարանական հարաբերությունների հետագա ամրապնդման և զարգացման համար:
ԱԺ փոխնախագահը վերահաստատել է, որ Հայաստանը վճռական է եվրոպացի գործընկերների հետ համատեղ ընդլայնելու ժողովրդավարության, մարդու իրավունքների և օրենքի գերակայության շարունակական ամրապնդմանն ուղղված ինստիտուցիոնալ բարեփոխումների գործընթացը:
Խոսելով ԼՂ հիմնախնդրի կարգավորման մասին՝ Էդուարդ Շարմազանովն ընդգծել է, որ Հայաստանը հանդես է գալիս հակամարտության բացառապես խաղաղ կարգավորման օգտին: Զդենեկ Շկրոմախն իր հերթին նշել է, որ կողմնակից է հակամարտությունների բացառապես խաղաղ կարգավորմանը:
Հանդիպման ավարտին Էդուարդ Շարմազանովը Սենատի փոխնախագահին հրավիրել է Երևան' մասնակցելու Հայոց ցեղասպանության 100-րդ տարելիցի արարողություններին:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
