Ավստրալացի գիտնականները Ալցհայմերի հիվանդության բուժման նոր եղանակ են հայտնաբերել

Քվինսլենդի համալսարանի Ուղեղի հետազոտությունների ինստիտուտի գիտնականները մշակել են Ալցհայմերի հիվանդություն առաջացնող ամիլոիդային թիթեղիկների ոչնչացման եզակի մեթոդիկա: Նրանց մեթոդիկան կարող է կանխել հիշողության և գլխուղեղի նյարդային բջիջների ախտահարումը, որը բնորոշ է այս հիվանդությանը, տեղեկացնում է «Արմենպրես»-ը:

Ինչպես մարտի 13-ին պատմել է հետազոտության ղեկավարներից մեկը՝ պրոֆեսոր Յուրգեն Գոցը, մեթոդը հիմնված է մկան արյան մեջ գազի միկրոսկոպիկ պղպջակների ներարկման և բարձրհաճախականության ուլտրաձայնային ալիքների ներգործության վրա: «Մեր մեթոդիկան թույլ է տվել մկան՝ ամիլոիդային թիթեղիկներով ուղեղի աշխատանքը վերականգնել մինչև նորմալ ցուցանիշներ»,- հայտնել է Գոցն Australian թերթում հրապարակված հարցազրույցում:

«Ճեղքում» բառը հաճախ գործածում են ոչ իր նշանակությամբ, սակայն այս դեպքում խոսքն իրոք վերաբերում Է այն բանի մեր ըմբռնման հիմնարար փոփոխությանը, թե ինչպես բուժել Ալցհայմերի հավանդությունը»,- ընդգծել Է նա՝ ճշտելով, որ «ի տարբերություն մյուս մոտեցումների, մեթոդը հիմնված չԷ դեղորայքային պատրաստուկների օգտագործման վրա»:

Ինչպես նշում Է ՏԱՍՍ-ը, գիտնականների առաջնահերթ պլանները մեթոդիկայի ստուգումն Է ոչխարների վրա: Մարդկանց վրա կլինիկական փորձարկումները կարող են սկսվել արդեն երկու տարի հետո: Գոցի խոսքով՝ հիվանդները կկարողանան իրենք իրենց բուժել տնային պայմաններում՝ «տարին մի քանի անգամ օգտագործելով ապարատը»: