Դեսպան Ազնավուրը մասնակցել է Շվեյցարիայի Դաշնային խորհրդարանում Հայոց ցեղասպանությանը նվիրված քննարկմանը

Շվեյցարիայում ՀՀ դեսպան Շառլ Ազնավուրի մասնակցությամբ մարտի 11-ին Բեռնում տեղի է ունեցել «Մեծ Եղեռնից 100 տարի անց. Հայոց ցեղասպանության ժխտման հետևանքները» խորագրով քննարկում' Շվեյցարիայի Դաշնային խորհրդարանի խորհրդարանականների հետ: Ինչպես «Արմենպրես»-ին տեղեկացրին ՀՀ արտգործնախարարության մամուլի, տեղեկատվության Ö ‡ հասարակայնության հետ կապի վարչությունից, քննարկմանը մասնակցել են Շվեյցարիայի խորհրդարանի զույգ պալատների' Պետությունների խորհրդի և Ազգային խորհրդի հայ-շվեյցարական բարեկամական խմբի համանախագահներ Ուելի Լյուենբերգերը, Դոմինիկ դը Բումանը, Հանս Ալթհերը, խորհրդարանական բոլոր չորս քաղաքական խմբակցությունների ներկայացուցիչներ:

Հայոց ցեղասպանության վերաբերյալ պատմական և իրավական իրողությունների, Թուրքիայի ժխտողական քաղաքականության և դրա հետևանքների վերաբերյալ բանախոսությամբ հանդես է եկել ֆրանսահայ պատմաբան, Ֆրանսիայի աշխարհաքաղաքականության ինստիտուտի դասախոս Ռեյմոն Գևորգյանը:

Քննարկման ընթացքում շվեյցարացի խորհրդարանականները հանդես են եկել մի շարք հարցադրումներով, այդ թվում' Հայոց ցեղասպանության միջազգային ճանաչման գործընթացի, Մերձավոր Արևելքում տիրող իրավիճակի, մասնավորապես' սիրիական և իրաքյան ճգնաժամերի համատեքստում Թուրքիայի դերի, մարդկության դեմ ուղղված ոճիրների կանխարգելմանն ուղղված միջազգային հանրության ջանքերի, Ժնևում «Հիշողության լապտերներ» հուշակոթողի տեղադրման վերաբերյալ:

Քննարկման ավարտին մասնակիցներին է ներկայացվել Ռեյմոն Գևորգյանի և Իվ Տերնոնի համահեղինակած «Հայերի ցեղասպանության հուշակոթող» վերնագրով գիրքը: