Ողբերգական ավտովթար Ուջան գյուղի մոտ. «Միցուբիշիի» ուղևորը տեղում մահացել է

Ոստիկանության Աշտարակի բաժնում մարտի 15-ին հաղորդում է ստացվել, որ ժամը 20.00-ի սահմաններում «Միցուբիշի» մակնիշի ավտոմեքենան Երևան-Գյումրի ճանապարհի 40-րդ կմ-ին՝ Ուջան գյուղի հատվածում, դուրս է եկել ճանապարհի երթևեկելի գոտուց դեպի աջ և կողաշրջվել: Պատահարի հետևանքով մեքենայի ուղևորը՝ 1953թ. ծնված Քյարամ Իսպիրյանը, տեղում մահացել է, իսկ վարորդը և երկու ուղևորները մարմնական վնասվածքներով տեղափոխվել են հիվանդանոց: