Մեր տղաները պատրաստ են հաղթելու Ալբանիային. Խորեն Հովհաննիսյան
Սպորտ
Այսօր՝ լրագրողների հետ հանդիպմանը, հայկական ֆուտբոլի լեգենդ Խորեն Հովհաննիսյանը խոսեց ֆուտբոլի ազգային հավաքականի առաջիկա հանդիպման, ինչպես նաև Բաքվում կայանալիք Եվրոպական խաղերի մասին:
Հովհաննիսյանն, անդրադառնալով Բաքվում կայանալիք Եվրոպական խաղերին, նշեց, որ մեր մարզիկներն անպայման պետք է մասնակցեն խաղերին.
«Անպայման պետք է մասնակցենք Բաքվի Եվրոպական խաղերին: Պետք է ցույց տանք, որ ոչ մեկից չենք վախենում և հաղթելու համար ենք գնում»:
Անդրադառնալով Ֆուտբոլի Եվրոպայի առաջնության ընտրական փուլի շրջանակներում Հայաստանի և Ալբանիայի հավաքականների միջև հանդիպմանը՝ Հովհաննիսյանը նշեց.
«Մեր հավաքականը պատրաստ է այս խաղին, մեր տղաները պատրաստ են հաղթելու Ալբանիային: Չկա այնպիսի մի մարզիչ, ով գա և միանգամից հաղթի: Կարծում եմ՝ ժամանակ է հարկավոր, ամեն ինչ կախված է նաև մեր ֆուտբոլիստներից»:
Հիշեցնենք, որ Ալբանիա-Հայաստան հանդիպումը տեղի կունենա մարտի 29-ին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
