Ով ուզում է աղքատանա, ով ուզում է սնանկանա, Հերմինե Նաղդալյանը միշտ հարստանում է

ՀՀ ԱԺ փոխնախագահ Հերմինե Նաղդալյանի եկամուտների և գույքի՝ 2014 թվականի հայտարարագրի համաձայն՝ անցած տարի նրա եկամուտները կազմել են 347 միլիոն 724 հազար դրամ, որից աշխատավարձը 6 միլիոն 280 հազար դրամն է: 189 միլիոն 444 հազար դրամը Նաղդալյանը հայտարարագրել է որպես ստացված շահաբաժին, իսկ 152 միլիոնը` ստացված փոխառություն: Բացի այդ՝ 2014-ին Նաղդալյանը 96 միլիոն դրամի փոխառություն է տվել, որը նույն տարում էլ վերադարձվել է:

Ի դեպ, տարեկան հայտարարագրում չի նշվում պաշտոնյայի անշարժ գույքը: Հերմինե Նաղդալյանը, որպես նորընտիր ԱԺ պատգամավոր, ներկայացրած հայտարարագրում նշել է հինգ հողամաս, երկու շենք-շինություն և երկու բնակարան: Փաստորեն, անկախ նրանից, թե Հայաստանի տնտեսությունում իրավիճակը որքան վատ է, ինչ ճգնաժամեր են սպառնում մեր երկրին, միևնույն է՝ Հերմինե Նաղդալյանի եկամուտների չափը դրանից չի նվազում: Ով ուզում է աղքատանա, ով ուզում է սնանկանա, Նաղդալյանը միշտ հարստանում է:

Շարունակությունը` թերթի այսօրվա համարում: