Էնթոնի Հոփքինսը խաղալու է Բիձինա Իվանիշվիլիի «9+1» ֆիլմում
Գիտություն և Մշակույթ
Հոլիվուդի աստղ Էնթոնի Հոփքինսը գլխավոր դերերից մեկը կխաղա Վրաստանի նախկին վարչապետ Բիձինա Իվանիշվիլիի «9+1» բազմասերիանոց ֆիլմում, տեղեկացնում է «Արմենպրես»-ը՝ հղում անելով «Նովոստի Գրուզիային»:
Միխեիլ Սաակաշվիլիի և Միասնական ազգային շարժման իննամյա կառավարմանը նվիրված կինոնկարի ռեժիսոր Գոգա Խաինդրավան խոստանում է նկարահանումներին ձեռնամուխ լինել արդեն սեպտեմբերին, հայտնել է ռեժիսորի օգնական Լևան Խաինդրավան վրացական «Իմեդի» հեռուստաալիքին տված հարցազրույցում: Հայտնի է, որ վրացի դերասաններից ֆիլմում նկարահանվելու են Միխեիլ Գոմիաշվիլին և Նինել Չանկվետաձեն:
Ներկայումս ռեժիսորի օգնականները բանակցություններ են վարում ևս մեկ հանրահայտ դերասանի՝ Նիքոլաս Քեյջի հետ: Վերջինս ֆիլմում պետք է խաղա պետության նախկին ղեկավար Միխեիլ Սաակաշվիլիի դերը: Ինչ վերաբերում է Էնթոնի Հոփքինսին, ապա միանգամայն հնարավոր է, որ նա կատարի օլիգարխի դերը: Ըստ այլ տեղեկատվության՝ նա կխաղա Վրաստանի նախկին նախագահ Էդուարդ Շևարդնաձեի դերը: Հոլիվուդյան աստղերի հոնորարի վերաբերյալ տվյալները չեն հրապարակվում:
Միխեիլ Սաակաշվիլիի և Միասնական ազգային շարժման իննամյա կառավարման մասին պատմող ֆիլմ նկարահանելու իր պլանների մասին Իվանիշվիլին այս տարվա հունվարին հայտնել էր վրացական «Իմեդի» հեռուստաընկերության եթերում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
