Հովհաննես Մանուկյանն այցելել է «Վարդաշեն» քրեակատարողական հիմնարկ
Հայաստան
ՀՀ արդարադատության նախարար Հովհաննես Մանուկյանն աշխատանքային շրջայցով եղել է ՀՀ ԱՆ «Վարդաշեն» քրեակատարողական հիմնարկում:
ՀՀ ԱՆ քրեակատարողական վարչության պետ Արթուր Օսիկյանի ուղեկցությամբ նախարարն ուսումնասիրել է շենքային պայմանները, լրակազմը, ինչպես նաև դատապարտյալների պահման պայմանները: Հովհաննես Մանուկյանն այցելել է նաև սննդի կազմակերպման տեղամաս: «Վարդաշեն» ՔԿՀ-ի պետի ժամանակավոր պաշտոնակատար Մանուկ Պողոսյանը ներկայացրել է հիմնարկի աշխատանքային առանձնահատկությունները, զեկուցել նախորդ տարվա ընթացքում կատարված աշխատանքների արդյունքները:
Շրջայցի ավարտին ՀՀ արդարադատության նախարար Հովհաննես Մանուկյանն աշխատանքների կազմակերպման վերաբերյալ հանձնարարականներ է տվել: ՀՀ արդարադատության նախարար Հովհաննես Մանուկյանին աշխատանքային շրջայցի ընթացքում ուղեկցել են ՀՀ արդարադատության նախարարի տեղակալ Սուրեն Քրմոյանը, ՀՀ ԱՆ աշխատակազմի օրինականության վերահսկողության տեսչության պետ Միքայել Մինասյանը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
