Ազնավուրը պատրաստակամություն է հայտնել հանդիպելու իր թոշակառու երկրպագուհու՝ «Լիդա տատիկի» հետ
Գիտություն և Մշակույթ
Շառլ Ազնավուրի մոսկովյան համերգի կազմակերպիչները պատրաստ են կազմակերպել շանսոնիեի և 73-ամյա «Լիդա տատիկի» հանդիպումը, բայց թոշակառուն, որը Ռունետում հռչակվել է երգչի նկատմամբ իր տածած սիրով, առայժմ նրա համերգին գալու համաձայնություն չի տվել: Այդ մասին, ինչպես տեղեկացնում է «Արմենպրես»-ը, ՌԻԱ Նովոստիին հայտնել է Ռուսաստանում Ազնավուրի մամուլի կցորդը:
Ավելի վաղ լրագրող Ալեքսանդր Չեռնիխը Fasebook-ի իր բլոգում զետեղել է «Լիդա տատիկի»՝ Ազնավուրի ստեղծագործության երկրպագուհու տեսահոլովակը, որը մետրոյում նրա համար երգել է շանսոնիեի երգերից մեկը: Բլոգերների ակտիվության շնորհիվ այդ պատմությունը հասել է Ազնավուրի մոսկովյան համերգի (այն կայանալու է ապրիլի 22-ին) կազմակերպիչներին և հենց շանսոնիեին:
«Շառլ Ազնավուրը շատ է հուզվել, նա պատրաստ է համերգից հետո հանդիպել Լիդիա Իվանովնայի հետ, հաղորդակցվել և լուսանկարվել: Համերգի կազմակերպիչները խոստացել են տոմս տրամադրել նրան, բայց առայժմ Լիդիա Իվանովնան, որին հաջողվել է գտնել, չի համաձայնում գալ համերգին, նա ամաչում է»,- հայտնել է Ռուսաստանում Ազնավուրդի մամուլի կցորդ Քրիստինա Սարգսյանը:
Իր բլոգում Չեռնիխը գրել է, թե չի կորցնում հույսը՝ համոզել համեստ թոշակառու կնոջը՝ հանդիպելու իր կուռքի հետ:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
