Պատրաստ ենք առաջին իսկ հրամանի դեպքում մեկնել առաջնագիծ. ՍԴՀԿ

Սոցիալ Դեմոկրատ Հնչակյան կուսակցությունը մտահոգված է վերջին օրերին սահմանում տիրող լարվածության կապակցությամբ և պատրսատ է անհրաժեշտության դեպքում մեկնել սահման' փոխարինելու այնտեղ կանգնած ժամկետային զինծառայողներին:

Այս մասին նշված է ՍԴՀԿ մամուլի ծառայության տարածած հաղորդագրության մեջ, որում ասված է.

«Արցախյան առաջնագծում կրկին լարված է: Պաշտոնական Բաքուն, չհարգելով իրենց իսկ կողմից խնդրած հրադադարի ռեժիմը, հերթական անգամ արկածախնդիր գործողություններ է կատարում սահմանին, որի հետևանքով, բնականաբար, դաժան պատիժ է ստանում, սակայն զոհվում են նաև մեր երիտասարդ նորակոչիկները: Փաստ է, որ մենք գտնվում ենք չհայտարարված պատերազմում, որի վերջնակետը, համոզված ենք, լինելու է միայն այն ժամանակ, երբ Բաքուն ստիպված լինի կապիտուլիացիոն ակտ ստորագրել պաշտոնական Ստեփանակերտի հետ:

Մենք՝ իբրև ողջ պատերազմն անցած ջոկատներ, երկրապահներ, կրկին հայտարարում ենք, որ պատրաստ ենք առաջին իսկ հրամանի դեպքում մեկնել առաջնագիծ և փոխարինել այնտեղ կանգնած ժամկետային զինծառայողներին: Պատերազմը սարերի հետևում չէ, թուրքը պետք է արժանի պատիժ ստանա:

Վազգեն Սիսլյան (ՍԴՀԿ ազատամարտիկների խորհրդի համակարգող, ԱՍԱԼԱ-ի նախկին քաղբանտարկյալ)

Ռազմիկ Մադարյան (Մեծն Մուրադ ջոկատի փոխհրամանատար, պահեստազորի մայոր)

Վոլոդյա Ազատյան (Փարամազ ջոկատի հրամանատար, պահեստազորի փոխգնդապետ), ՍԴՀԿ Հայաստանի վարչության անդամ»: