«Ժողովուրդ». Աբրահամ Մանուկյանը շարունակում է «տակից քանդել» ԲՀԿ-ն
Հայկական Մամուլ
ՀՀ ԱԺ ԲՀԿ խմբակցության անդամ Տիգրան Ուրիխանյանն այսօր ԱԺ նիստի մեկնարկից առաջ, հնարավոր է, հանդես գա հայտարարությամբ:
«Ժողովուրդ»-ի տեղեկություններով՝ Տ. Ուրիխանյանը մտադիր է հայտարարել «Բարգավաճ Հայաստան» կուսակցության և համանուն ԱԺ խմբակցության հետ կապերը խզելու մասին: Իհարկե, նա պաշտոնապես կշարունակի մնալ ԱԺ ԲՀԿ խմբակցության անդամ, քանի որ խմբակցությունից հրաժարվելու պարագայում նա ստիպված կլինի նաև ԱԺ պատգամավորի մանդատից հրաժարվել: Ուրիխանյանը կարծես թե որոշել է «բոյկոտել» ԱԺ ընթացիկ քառօրյան: Երեկ նա ԱԺ ԲՀԿ խմբակցության նիստին ևս չի ներկայացել:
«Ժողովուրդ»-ի տեղեկություններով՝ ԲՀԿ խմբակցության անդամներին «հրահանգված» է չմեկնաբանել Տ. Ուրիխանյանի քայլերը: Իսկ Նաիրա Զոհրաբյանը դեռ լռում է:
Թերթի տեղեկություններով՝ ԲՀԿ-ում «նեղված» են իրենց կուսակցության նկատմամբ Տ. Ուրիխանյանի ու ԱԺ ԲՀԿ խմբակցության մեկ այլ անդամի' Աբրահամ Մանուկյանի դրսևորած վերաբերմունքից: Մանուկյանը շարունակում է «տակից քանդել» ԲՀԿ-ն:
Շարունակությունը` թերթի այսօրվա համարում:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
