ԱՄՆ-ը 38 մլրդ դոլարի ռազմական օգնություն կտրամադրի Իսրայելին
Աշխարհ
ԱՄՆ-ի իշխանությունները եւ Իսրայելը պայմանավորվել են հրեական պետությանն ամերիկյան ռազմական օգնության ծրագրի երկարացման շուրջ: Այդ մասին սեպտեմբերի 13-ին հայտնել է Jerusalem Post-ը:
Համաձայնագրի իրագործման համար, որի ստորագրումը սպասվում է մոտ օրերս, Վաշինգտոնը տասը տարվա ընթացքում կծախսի առնվազն 38 մլրդ դոլար: Ինչպես նշում է հրատարակությունը, սա ռեկորդային գումար է ԱՄՆ-ի ռազմական գործարքների ողջ պատմության ընթացքում, սակայն, հանուն համաձայնագրի կնքման, Իսրայելն ստիպված է գնալ մի շարք զիջումների:
Մասնավորապես, հրեական պետության վարչապետ Բենիամին Նաթանյահուն պարտավորվել է հավելյալ օգնություն չխնդրել: Նա նաեւ հրաժարվել է հատուկ պայմանավորվածությունից, որն ավելի վաղ թույլ էր տալիս Վաշինգտոնից ստացած միջոցների մի մասը ծախսել սեփական պաշտպանական արդյունաբերության ֆինանսավորման համար՝ ամերիկյան սպառազինություն գնելու փոխարեն:
ԱՄՆ-ն Իսրայելին ամենամյա ռազմական օգնություն է ցուցաբերում 1987 թվականից:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
