Սինգապուրցի գործարարը ձեռք է բերել աշխարհի խոշորագույն սաթը
Աշխարհ
Սինգապուրցի գործարարը ձեռք է բերել սաթ, որը մասնագետների եզրակացությունից հետո կարող է հայտնվել Գինեսի ռեկորդների գրքում որպես աշխարհի խոշորագույն սաթը:
Ինչպես հայտնել են տեղական զանգվածային լրատվամիջոցները, դրա քաշը կազմում է 50,4 կիլոգրամ, մինչդեռ Կոպենհագենում պահվող եւ մինչ օրս մոլորակի վրա ամենախոշորը համարվող համանման միներալը կշռում է սոսկ 47,5 կիլոգրամ: Մասնագետների խոսքով՝ քարի տարիքը կազմում է առնվազն 15 միլիոն տարի, այն հայտնաբերել են այս տարվա սկզբին Ինդոնեզիայի Սումատրա կղզու ածխի հանքահորերից մեկում:
Միներալի սեփականատերը ներկայանում է որպես պարոն Ջոսեֆ: Նա պատմել է, որ սաթը «վեցանիշ գումար» է նստել (սինգապուրյան դոլարներով): Գործարարը մամուլին հայտնել է, որ պատրաստ է գտածոն ցուցադրել բոլոր ցանկացողներին. դրա համար նախապես անհրաժեշտ է էլեկտրոնային փոստով գրել նրան, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
