Կենտրոնական Իտալիայում երկրաշարժից վնասը կազմում է առնվազն 4 մլրդ եվրո. Ռենցի
Աշխարհ
Օգոստոսի 24-ին Կենտրոնական Իտալիայում տեղի ունեցած երկրաշարժի հասցրած վնասը, որի հետեւանքով զոհվեց 297 մարդ, մոտավոր գնահատումներով կազմում Է 4 մլրդ եվրո: Այդ մասին, ինչպես տեղեկացնում Է «Արմենպրես»-ը, մամուլի ասուլիսում հայտարարել Է Իտալիայի վարչապետ Մատեո Ռենցին:
«Նվազագույն գնահատումններով՝ վնասը կազմում Է 4 մլրդ եվրո: Մենք առայժմ վնասը գնահատում ենք միայն առավել շատ տուժած շրջաններում, որտեղ մարդիկ են զոհվել, իսկ իրականում շենքերի վնասվածքներ կան հարակից շատ գոտիներում»,-ասել Է վարչապետը:
Ինչպես հայտնել Է Քաղաքացիական պաշտպանության դեպարտամենտի ղեկավար Ֆաբրիցիո Կրուչոն, օթեւանից զրկված մոտավորապես 3 հազար մարդու համար փայտե տներից ժամանակավոր ավան կառուցելու համար կպահանջվի մինչեւ յոթ ամիս:
Ողբերգությունից գրեթե մեկ ամիս անց պետք Է սկսված լիներ Ամատրիչեում վրանային ավանի հավաքումը, սակայն մարդկանց տեղափոխությունը դեռեւս հետաձգվում Է: Շատերին առաջարկվել Է ժամանակավորապես հյուրանոցային համարներում տեղավորվել պետության հաշվին, ինչպես նաեւ լրավճար ստանալ բնակարան վարձելու համար, հաղորդել Է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Կյանքից հեռացել է Տիգրան Ղազարյանը
