Պսկովում բացվում է Դովլաթովի հիշատակին նվիրված փառատոնը

Նշանավոր դաշնակահար Դենիս Մացուեւը Պսկովում իր ելույթով կբացի գրող Սերգեյ Դովլաթովի հիշատակին նվիրված «Արգելոց» փառատոնը: Երաժիշտի ռոյալը կտեղադրեն հենց Վելիկայա գետի ափին: Այդ մասին սեպտեմբերի 23-ին ՏԱՍՍ-ի թղթակցին հայտնել են միջոցառման կազմակերպիչները:

Սա առաջին իրադարձությունը կլինի Պսկովի մարզում գրողի եւ լրագրողի հիշատակին նվիրված եռօրյա միջոցառումների շարքում:

Ինչպես ճշտել Է գործակալության զրուցակիցը, «դրանցից յուրաքանչյուրն այս կամ այն չափով կհիշեցնի Պուշկինի արգելոցում Դովլաթովի անցկացրած ժամանակի մասին, որը թեեւ ոչ երկար, բայց բեղմնավոր Է եղել»:

Սեպտեմերի 24-ին Պուշկինյան լեռներում կկայանան գրական երեկոներ՝ բանաստեղծների եւ արձակագիրների մասնակցությամբ, փառատոնի հյուրերին կուղեկցեն Բուգրովո գյուղում գտնվող գրողի հիշատակի տուն-թանգարան: Բուն Պսկովում կանցկացվեն բազմաթիվ գեղարվեստական ցուցահանդեսներ եւ ներկայացումների ու կինոնկարների ցուցադրություններ, ինչպես նաեւ հանդիպումներ՝ դրանց ռեժիսորների հետ:

Լուսանկարը՝ ТАСС