Դամասկոսը լիովին վերականգնել է վերահսկողությունը Հանդարատ ճամբարի նկատմամբ

Սիրիական բանակը լիովին վերականգնել է վերահսկողությունը Հալեպի հարավ-արեւելքում գտնվող Հանդարատ ճամբարի նկատմամբ: Այս մասին հայտնել է սիրիական բանակի ներկայացուցիչը:

«Ռազմական գործողություններն ավարտված են: Հանդարատն ամբողջությամբ մեր վերահսկողության տակ է»,-նշել է աղբյուրը: Նրա խոսքով՝ արդեն իսկ սկսվել են տարածքն ականներից մաքրելու աշխատանքները:

Հանդարատը ռազմավարական նշանակություն ունեցող ճամբար է, քանզի այն միմյանց է կապում Հալեպի արեւելյան եւ արեւմտյան մասերը: Հենց այդ տարածքով պետք է անցնեն տուժած բնակիչներին ՄԱԿ-ի կողմից մարդասիրական օգնության հասցնելու համար անցնող շարասյունները:

Ճամբարի տարածքում կառավարական բանակը ռազմական գործողություններ է անցկացրել «Ջեյշ ալ-Ֆաթհ» եւ «Ջեբհատ ան Նուսրա» ահաբեկչական խմբավորումների դեմ: