Ավստրալիայում գրեթե 250 մլն դոլարի թմրանյութ են առգրավել

Ավստրալիայի ոստիկանությունը սահմանապահների օժանդակությամբ Սիդնեյում ձերբակալել է թմրասուրհանդակների՝ շուրջ 247 միլիոն դոլար արժողությամբ 540 կիլոգրամ մետամֆետամինով: Այդ մասին հայտնել է ABC հեռուստաալիքը:

Ավստրալիայի ֆեդերալ ոստիկանությունը նշել է, որ իրավապահներն իրականացրել են թմրանյութերի առգրավման գործողություն, որի ընթացքում ձերբակալվել է 20-ից մինչեւ 30 տարեկան յոթ մարդ, որոնք զբաղվում էին թմրանյութերի փոխադրմամբ: Մետամֆետամինը թաքցված էր պրոտեինային հավելումների 396 պլաստիկե տուփերում:

Թմրանյութերի առգրավված խմբաքանակն իր ծավալով մտել է Ավստրալիայի ամբողջ պատմության ընթացքում խոշորագույնների տասնյակը, հաղորդել է ՌԻԱ Նովոստին: