Մեքսիկայում «Սինալոա» թմրակարտելի հիմնադրի որդին փախել է բանտից
Աշխարհ
«Սինալոա» զորեղ թմրակարտելի հիմնադիրներից մեկի որդին՝ Խուան Էսպարագոսա Մոնսոնը, մարտի 16-ին փախել է Կուլիական քաղաքի բանտից: Սինալոայի նահանգի հասարակական անվտանգության փոխնախարար Կրիստոբալ Կաստանիեդայի հաղորդմամբ՝ զինվորական պահակախումբը չի կարողացել Մոնսոնին գտնել կալանավորների մեջ, այժմ բանտի շուրջը ոստիկանական ընդգրկուն գործողություն է ծավալվել:
Մոնսոնը որդին է Կապույտ մականվամբ Խուան Խոսե Էսպարագոսա Մորենոյի, որն իր ժամանակին հռչակավոր Խոակին Գուսման Լոերայի հետ կանգնած է եղել «Սինալոա» կարտելի ստեղծման ակունքներում: Մոնսոնի նկատմամբ գործում էր ԱՄՆ-ին հանձնելու պահանջ, որտեղ նրան մեղադրում են հանցավոր գործունեության մեջ:
Գուսման Լոերան՝ Թզուկ մականվամբ, երկու անգամ փախել է մեքսիկական բանտից. առաջին անգամ 2001 թվականին, այնուհետեւ 2015 թվականին, սակայն կրկին ձերբակալվել եւ ատահանձնվել է ԱՄՆ-ին:
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
