Լոնդոնի երկնքում հայտնվել է նորածին Թրամփի տեսքով 6 մետրանոց փուչիկը (լուսանկարներ)
Աշխարհ
Աշխատանքային այցով Մեծ Բրիտանիա ժամանած ԱՄՆ նախագահ Դոնալդ Թրամփը մայրաքաղաք Լոնդոնում վայրէջք կատարելուց ժամեր անց խոստովանել է, որ «մեգապոլիսում իրեն անկոչ հյուր է զգում»:
Ինչպես նշում է Daily Mail-ը, պատճառը մանուկ Թրամփի տեսքով ահռելի փուչիկն է, որն ԱՄՆ նախագահի այցին ընդառաջ օդ է բարձրացվել:
«Ես սիրում էի Լոնդոնը, որտեղ երկար ժամանակ չէի եղել: Բայց եթե նրանք ստիպում են ինձ զգալ որպես անկոչ հյուր, ինչո՞ւ պետք է այնտեղ մնամ: Եթե նրանք այդ փուչիկն օդ են բարձրացրել, որպեսզի ես ինձ ոչ ցանկալի հյուր զգամ, ուրեմն Լոնդոնում մնալու որևէ պատճառ չեմ տեսնում»,-ասել է Միացյալ Նահանգների 72-ամյա ղեկավարը:
Բացի այդ, Թրամփն իր խոսքում քննադատել է Լոնդոնի քաղաքապետ Սադիք Խանին, որն ԱՄՆ նախագահի ամենախիստ ընդդիմախոսներից է ու թույլ է տվել վիճահարույց փուչիկն օդ բարձրացնել ու թռցնել Լոնդոնի վրայով:
Դուք ունեք մի քաղաքապետ, որը սարսափելի է աշխատում: Նայեք միայն այն ահաբեկչություններին, որոնք տեղի են ունեցել Լոնդոնում: Տեսեք միայն, թե ինչ է կատարվում Լոնդոնում: Միգուցե նա չի հավանում գործող նախագահին, բայց պետք է հասկանա, որ ես ներկայացնում եմ Միացյալ Նահանգները»,-ասել է Թրամփը:
Թրամփի այցի կապակցությամբ Մեծ Բրիտանիայի տարբեր հատվածներում բողոքի ակցիաներ են կազմակերպվում:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
