Բրիջիթ Բարդոն ռասիստական հայացքների համար կկանգնի դատարանի առջև․ Parisien

Հայտնի դերասանուհի Բրիջիթ Բարդոն Ֆրանսիայի արտերկրյա քրեական դատարանի առջև կկանգնի Ռեյունիոն կղզում՝ նրա բնակիչներին ուղղված «ռասիստական ​​հայտարարությունների» համար: Ավելի վաղ հաղորդվել էր, որ Ռեյունիոնի պրեֆեկտը Ֆրանսիայի դատախազությանը բողոքել է Բրիջիտ Բարդոյի «ռասիստական» նամակի մասին, որում կղզու բնակիչներին նա անվանել է «այլասերված մարդիկ»: Դերասանուհին այն ժամանակ դատապարտում էր կենդանիների հանդեպ «բարբարոս» վերաբերմունքը, ինչը, ըստ նրա տեղեկությունների, կիրառում էին տեղի բնակիչները: Մասնավորապես, Բարդոն նշել էր Հնդկաստանում այծերի գլխատումը՝ մատնանշելով «անցյալ դարերի մարդակերության մնացուկները»: Ըստ նրա՝ կղզու բնակիչները «այլասերված ժողովուրդ» են, որոնք դեռ կախված են նրանց նախնիների սովորույթներից և վայրենի ավանդույթներից:  «Parisien»֊ը մեջբերում է Սան Դենիսի քաղաքի փաստաբան Էրիկ Թաֆֆերի խոսքերը, որը հայտարարել է, որ «ոչինչ չի արդարացնում այն ​​փաստը, որ նա վիրավորել է մարդկանց՝ պնդելով, որ Ռեյունիոնի բոլոր բնակիչները ներգրավված են կենդանիների հանդեպ դաժանության մեջ»: Պարբերականի տեղեկություններով՝ ապրիլի 30-ի դատական ​​նիստից հետո դերասանուհին պատրաստվում է կրկին կանգնել դատարանի առաջ հաջորդ ամիս: Դերասանուհին նախկինում 5 անգամ դատապարտվել է, այդ թվում նաև ռասիզմի դրսևորման համար: Վերջին անգամ 2011-ին նա տուգանվել է 15 հազար եվրոյով: