Մերկելը կոչ է արել Եվրոպային պատրաստվելու առանց ԱՄՆ-ի կողմից ղեկավարվող աշխարհին․ The Guardian

Եվրոպական երկրները պետք է լրջորեն մտածեն նոր իրականության մասին, որտեղ Միացյալ Նահանգները չի փորձի համաշխարհային առաջնորդ դառնալ, ասել է Գերմանիայի կանցլեր Անգելա Մերկելը The Guardian-ին տված հարցազրույցում: «Մենք մեծացել ենք որոշակի գիտակցմամբ, որ Միացյալ Նահանգները ցանկանում է լինել համաշխարհային տերություն: Եթե ԱՄՆ-ն այժմ ցանկանում է դադարեցնել իր դերը կատարել իր ազատ կամքով, ապա պետք է լրջորեն մտածել այդ մասին», - ասել է Մերկելը: 
Ավելի վաղ, Գերմանիայի կանցլերը արդեն հասցրել էր քննադատել Միացյալ Նահանգներին: Մասնավորապես, անցած տարվա սեպտեմբերին նա ասել էր, որ Եվրոպան ինքը պետք է մտածի իր անվտանգության մասին, քանի որ ԱՄՆ-ն դա չի անի ինքնաբերաբար, ինչպես Սառը պատերազմի ժամանակ: ԱՄՆ նախագահ Դոնալդ Թրամփն ավելի վաղ խոստացել էր Գերմանիայում ամերիկյան զորքերի քանակը 34 500-ից հասցնել 25 հազարի, քանի որ Բեռլինը ժամամակից ուշ էր կատարել ՆԱՏՕ-ին իր վճարումները: Թրամփը նաև հետաքրքրվել է, թե ինչու Միացյալ Նահանգները պետք է գումար ծախսեր Գերմանիային Ռուսաստանից պաշտպանելու համար, երբ Բեռլինը ռուսական գազ է գնում: