Աշխարհում կորոնավիրուսով վարակվելու դեպքերի թիվը գերազանցել է 11 միլիոնը․ Worldometers

Ամբողջ աշխարհում նոր տեսակի կորոնավիրուսով (COVID-19) վարակվելու դեպքերի թիվը գերազանցել է 11 միլիոնը: Ըստ Worldometer-ի նորացված տվյալների՝ հուլիսի 3-ի կեսօրվա դրությամբ՝ կորոնավիրուսով վարակվելու դեպքերի թիվը հասել է 11 001 023-ի։ ԱՄՆ-ում գրանցվել է COVID-19 վարակի և մահացության դեպքերի ամենամեծ թիվը՝ 2 837 189 մարդ: ԱՄՆ֊ին հետևում են Բրազիլիան (1 501 353), Ռուսաստանը (667 883), Հնդկաստանը (627 168), Իսպանիան (297 183), Պերուն (292 004), Չիլի (284 541), Միացյալ Թագավորությունը (283 757), Իտալիան (240 961), Մեքսիկան (238 511), Իրանը (232 863) և Պակիստանը (221 896): Համաճարակը սկսվել է անհայտ ծագման թոքաբորբի առաջին դեպքերի բացահայտմամբ՝ 2019-ի դեկտեմբերի վերջին՝ Չինաստանի կենտրոնական Հուբեյ նահանգի Վուհան քաղաքում: 2019 թվականի դեկտեմբերի 31-ին Չինաստանի իշխանությունները Առողջապահության համաշխարհային կազմակերպությանը (ԱՀԿ) տեղեկացրին անհայտ թոքաբորբի բռնկման մասին: Հունվարի 30-ին ԱՀԿ-ն ճանաչեց նոր կորոնավիրուսի բռնկումը՝ որպես հանրային առողջությանը սպառնացող վարակ։