ՌԴ֊ում ձերբակալվել են ուկրաինացի նեոնացիստներ, որոնք պայթյուններ էին նախապատրաստում ինը քաղաքում

Ռուսաստանի Դաշնության ԱԴԾ-ն ձերբակալել է ուկրաինական «MKU» երիտասարդական արմատական ​​համայնքի 16 անդամների, նրանք պայթյուններ և զինված հարձակումներ էին նախապատրաստում, հայտնում է ՌԴ ԱԴԾ-ն:
Ըստ ծառայության՝ Ուկրաինայում «MKU» -ի ղեկավար Եգոր Կրասնովը համակարգում էր խմբի գործունեությունը Ռուսաստանում: Նոր անդամների հավաքագրումն իրականացվում էր փուլ առ փուլ: Սկզբում նա առաջարկել է, որ ծայրահեղական գրություններ դնեն շենքերի վրա, ապա ծեծեն անօթևան կամ երիտասարդ ենթամշակույթների ներկայացուցչին: Անհրաժեշտ էր զենքով հարձակվել քաղաքացիների, իրավապահ մարմինների աշխատակիցների վրա, հրկիզել և պայթեցնել իշխանությունների շենքերը:  «Իրկուտսկում, Կրասնոդարում, Սարատովում, Տամբովում, Տյումենում, Չիտայում, Անապայում, Կրասնոդարի երկրամասում, Պուշչինոյում, Մոսկվայի մարզում, Պերեսլավլ-Զալեսկիում, Յարոսլավլի մարզում կանխվել է «MKU» ուկրաինական երիտասարդական արմատական ​​համայնքի 16 կողմնակիցների, ինչպես նաև կառավարման մարմինների վարչական շենքերի ռմբակոծման և քաղաքացիների վրա զինված հարձակումների նախապատրաստումը», - ասված է հաղորդագրության մեջ: Ավելացվում է, որ խուզարկությունների ընթացքում ձերբակալվածներից առգրավվել են սառը զենքեր, կատարված և ծրագրված ահաբեկչական և ծայրահեղական հանցագործությունների մասին տեղեկություններ, խմբի ղեկավարին ուղարկված բռնարար գործողությունների մասին տեսանյութեր։ Հարուցված քրեական գործերի շրջանակներում իրականացվում են օպերատիվ-որոնողական միջոցառումներ և քննչական գործողություններ՝ նրանց անօրինական գործունեության բոլոր դրվագները բացահայտելու ուղղությամբ», - ասվում է հաղորդագրության մեջ: