«Հրապարակ». Իշխանությունն ակնկալում է 60% ձայն

«Հրապարակ» թերթը գրում է․ «Մերձիշխանական մեր աղբյուրները պնդում են, որ հունիսի 20-ին կայանալիք արտահերթ խորհրդարանական ընտրություններում իշխանությունն ակնկալում է լուրջ թվով ձայներ ստանալ եւ առանց արբանյակ կուսակցությունների հետ միանալու՝ կառավարություն ձեւավորել:

Ի դեպ, սույն գազիֆիկացման թեման երկու օր առաջ բացեց ԱԺ պատգամավոր Սիսակ Գաբրիելյանը՝ նշելով, որ առաջիկայում հարցը կլուծվի: Մարզերում իրականացվելու են շոշափելի, տեսանելի աշխատանքներ, քանզի, ըստ մեր աղբյուրի, տասնյակ տարիներ շրջանների զգալի մասում ոչինչ չի արվել, ու այդ փոփոխությունները տեսնելով՝ մարդիկ կթեքվեն իրենց կողմը, իսկ ընդդիմադիրների ցանկացած, նույնիսկ ամենաուժեղ ելույթ ու խոսք ոչինչ չեն տա, քանի որ մարդիկ հոգնել են խոսքից ու իրական փոփոխություններ են ակնկալում իրենց համայնքներում: Ի դեպ, «Իմ քայլում» կարծես որոշել են քարոզարշավի կարգախոսը, այն կապված է «ապագա» բառի հետ` «ապագա կա» կամ «ապագա ունենք»՝ նմանատիպ կոմբինացիայով»։