Հունական լրատվամիջոցները 24-ժամյա գործադուլ են հայտարարել

Հունաստանում լրագրողների և լրատվամիջոցների աշխատողների արհմիությունները մայիսի 4-ին 24-ժամյա գործադուլ են անցկացնում` նշելու մայիսի 1-ը` հավաքական և անձնական իրավունքների, սոցիալական արդարության և խաղաղության, առողջության և անվտանգության համար աշխատողների պայքարի հիշատակի միջազգային օրը: Գործադուլի որոշումը կայացրել է լրագրողական ամենամեծ արհմիությունը՝ Աթենքի ESIEA օրաթերթերի խմբագիրների միությունը և դրա հետ համագործակցող ասոցիացիաները: Քանի որ մայիսի 1-ը համընկավ ոչ աշխատանքային օրվա՝ Ավագ շաբաթի հետ, աշխատողների գործողությունները հետաձգվեցին: «Այս մայիսի 1-ի տոնակատարությունն ընկնում է համաճարակային և առողջապահական ճգնաժամի աննախադեպ գլոբալ ժամանակաշրջանի հետ, որն օգտագործվում է՝ որպես պատրվակ կասկածի տակ դնելու մեր հավաքական իրավունքները, մեր աշխատանքային ժամերը, մեր աշխատանքային արժանապատվությունը», - ասվում է ESIEA-ի ղեկավարության հրամանագրում: Միությունը պնդում է, որ քաղաքացիների առօրյա պայքարը օբյեկտիվ և հուսալի տեղեկատվության համար եղել և մնում է ավելի բարդ, բայց և ավելի անհրաժեշտ, քան երբևէ:
Երեքշաբթի գործադուլ է հայտարարել նաև մասնավոր հատվածի աշխատողների ամենամեծ արհմիությունը՝ GSEE- ը՝ Հունաստանի աշխատողների ընդհանուր կոնֆեդերացիան: «Մայիսի մեկը գործադուլի օրն է, ոչ թե տոն», - ասված է կոնֆեդերացիայի հայտարարության մեջ: