Հնդկաստանի Գանգես գետում հայտնաբերվել է COVID-19-ից մահացած մարդկանց 100-150 աճյուն

Հնդկաստանի Արևելյան Բիհար նահանգի Գանգես հնդուական սրբազան գետում հայտնաբերվել են ենթադրաբար կորոնավիրուսային վարակի պատճառով մահացած մարդկանց մի քանի տասնյակ մարմիններ: Times of India-ի փոխանցմամբ՝ մարմինները, ամենայն հավանականությամբ, ջուրն են նետել մահացածների հարազատները, քանի որ հինդուական ավանդական ծեսերով արվող դիակիզումը թանկ է աղքատների համար: Տեղի բնակիչները թերթին հայտնել են, որ Գանգեսի ոլորանում արդեն հայտնաբերվել է 100-150 մարմին: Տեղի բնակիչները վախեցած են և պահանջում են, որ իշխանությունները անհապաղ միջոցներ ձեռնարկեն: Տեղի վարչակազմը պնդում է, որ մարմինների մեծ մասը մի քանի օր առաջ են գետը նետվել հարևան Ուտար Պրադեշ նահանգում: Բուքսարայի շրջանի դատավոր Աման Սամիրը մամուլի ասուլիսում ասել է, որ խիստ միջոցներ կձեռնարկվեն այն անձանց դեմ, ովքեր պատասխանատու են COVID-19- ից մահացածների մարմինները առանց դիակիզման՝ Գանգես գետի մեջ նետելու համար։