Տղամարդն ամուսնացել է 16 կնոջ հետ և դարձել 151 երեխայի հայր

Զիմբաբվեի բնակիչը, որն ունի 16 կին և 151 երեխա, մտադիր է կրկին ամուսնանալ: Այդ մասին հայտնում է The Herald թերթը:

66-ամյա Միշեկ Նյանդորոն պնդում է, որ բազմակին ընտանիքը նախագիծ է, որը նա սկսել է 1983 թվականին: Ներկայումս նրա 50 երեխաները սովորում են դպրոցում, 6-ը ծառայում են Զիմբաբվեի ազգային բանակում, 2-ը դարձել են ոստիկանության սպա, իսկ 11 երեխաներն աշխատում են այլ մասնագիտություններով: Նրա 13 դուստրերն ու 23 որդիներն արդեն ամուսնացած են: Որդիներից մեկը հետևել է հոր օրինակին և ամուսնացել 4 կանանց հետ:

Տղամարդը կարծում է, որ իր նախագիծն արդեն սկսել է իր պտուղները տալ. երեխաներն ամեն օր իրենց հայրիկին նվերներ են տալիս և ֆինանսական օգնություն ցուցաբերում: «Կանանցից յուրաքանչյուրն ամեն կերպ փորձում է եփել ամենահամեղ կերակուրը, որովհետև, ըստ կանոնի, ես ուտում եմ միայն այն, ինչ ինձ դուր է գալիս և դեն եմ նետում ոչ համեղ ուտեստները», - ասում է նա՝ նշելով, որ կանայք չեն վիրավորվում նման վարքագծից, այլ ընդհակառակը` սովորում են ավելի լավ պատրաստել:

Նյանդորոյի հարսանիքը 16-րդ կնոջ հետ տեղի է ունեցել 2015 թ.: Դրանից հետո նա նախատեսում էր ամուսնանալ ևս մեկ կնոջ հետ, բայց չկարողացավ ընտանիքում առկա ֆինանսական դժվարությունների պատճառով: Այժմ, երբ իրավիճակը բարելավվել է, տղամարդը նախատեսում է նորից ամուսնանալ և արդեն գտել է հարմար հարսնացու: Տոնակատարությունը նախատեսված է հունիսին:

Ըստ նրա, եթե տնտեսությունը կայունանա, հաջորդ տարի կունենա ևս երկու-երեք կին և մի քանի երեխա: «Վերջին վեց տարվա ընթացքում ես 22 երեխայի հայր եմ դարձել: Ես չեմ պատրաստվում բավարարվել եղածով»,- շեշտում է տղամարդը:

«Ես լի եմ էներգիայով և նույնքան եռանդուն եմ, որքան 18 տարեկանում: Ես կատարում եմ իմ ամուսնական պարտքը միջինում չորս կնոջ հետ մեկ գիշերվա ընթացքում: (…) Մտնում եմ մեկը մյուսի ետևից ննջասենյակ: Սա իմ գործն է: Ես այլ պարտավորություններ չունեմ: Նրանց մասին հոգ են տանում և, ինչպես տեսնում եք, նրանք երջանիկ են»,- ասում է Նյանդորոն:

Տղամարդը կարծում է, որ միայն Աստված իրավունք ունի որոշելու, թե քանի կին և երեխա է վիճակված ունենալ ունենալ: «Եթե դա Ամենազորի կամքն է, ես հարյուր կին և հազար երեխա կունենամ», - ասում է նա :

Նյանդորո ընտանիքը հիմնականում զբաղվում է գյուղատնտեսությամբ: Կառավարությունը վերջերս նրան տրամադրել է լրացուցիչ 93 հա տարածք Մվուրվի լեռների հարևանությամբ:

Այս թեմայով Կատաղությամբ վարակված չղջիկը կծել է երեխային ննջասենյակում Նախաքննական մարմինը դեռ չի պարզել, թե ինչպես է 10-ամյա աղջիկը դպրոցում գանգուղեղի կոտրվածք ստացել, ինչը հանգեցրել է մահվան. Դպրոցում ասել են, թե չկան տեսագրություններ․ Փաստինֆո Ծնվել Էվելինա Շահիրյանի և Հովհաննես Ղազարյանի առաջնեկը Տղամարդը փորձել է Կիրանցի երեխաներին առևանգել․ «Հրապարակ» Լույս աշխարհ են եկել 44-օրյա պատերազմում զոհված Վարուժան Սաղումյանի երկվորյակ քույրերը