Ժողովրդի թիկունքում հերթական անգամ փաստաթուղթ է նախապատրաստվել. քննարկվում է արագ նիստ գումարելու հարցը. Էդմոն Մարուքյան
ՏեսանյութերԱԺ «Լուսավոր Հայաստան» խմբակցությունն արտահերթ նիստ գումարելու համար հայտարարության տեքստ է պատրաստում։ Այս մասին այսօր՝ մայիսի 20-ին, լրագրողներին հետ զրույցում ասաց խմբակցության ղեկավար Էդմոն Մարուքյանը։
«Հայտարարության բովանդակությունը, մոտավորապես, հետևյալն է․ ՀՀ Սահմանադրության և միջազգային պայմանագրերի մասին օրենքի համաձայն քաղաքական, ռազմական, ինչպես նաև մարդու իրավունքներին առնչվող որևէ փաստաթուղթ ստորագրելու պարագայում պետք է նշված փաստաթուղթը վավերացվի խորհրդարանում։ Ժողովրդի թիկունքում հերթական անգամ փաստաթուղթ է նախապատրաստվել, որի բովանդակությունից տեղեկություն չունեն ո՛չ խորհրդարանի, ոչ էլ կարծում եմ կառավարության անդամների մեծ մասը, ոչ էլ ընտրված այլ պաշտոնյա»,- ասաց Մարուքյանը։
Պատգամավորը նշեց, որ պայմանավորված սրանով՝ նախաձեռնում են ԱԺ արտահերթ նիստ։ Նա հավելեց, որ խոսել է «Բարգավաճ Հայաստան» խմբակցության պատգամավոր Արման Աբովյանի հետ, քննարկվում է արագ նիստ գումարելու հարցը։
Մանրամասները՝ տեսանյութում։
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
