Այդ փաստաթղթերը ստացվում են ԱԳՆ-ի խողովակներով. Փաշինյան
Քաղաքական
Ազգային ժողովում հրավիրված արտահերթ նիստին վարչապետի պաշտոնակատար Նիկոլ Փաշինյանն անդրադարձավ խոսակցություններին, թե արտաքին գործերի նախարարությունը տեղեկացված չի հնարավոր ստորագրվելիք փաստաթղթից։
«Այդ փաստաթղթերը ստացվում են ԱԳՆ-ի խողովակներով, ես ո՞նց եմ դա ստանում, կարա մեկը բացատրի։ Դա տրվում է ՌԴ-ում ՀՀ դեսպանատուն, դեպանատունն ուղարկում է նախարարություն՝ նախարարին, նախարարն էլ ուղարկում է ինձ», - ասաց Նիկոլ Փաշինյանը։
Նշենք, որ այսօր ՀՀ ԱԳ նախարարի տեղակալ Ավետ Ադոնցը Սյունիքում լրագրողներին ասել է, թե առաջիկայում հնարավոր ստորագրվելիք փաստաթղթի վերաբերյալ ՀՀ ԱԳՆ-ն տեղեկություն չունի։
«Փաստաթղթից ես գաղափար չունեմ, որևէ տեղեկություն չունենք, արտգործնախարարությունը չունի», - նշել է փոխնախարարը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
