Կոչ`«հարուստների տղերքին». միասին պետք է գծենք խաղի կանոններն ու հետևենք դրանց մեր պատվով․ Գևորգ Թադևոսյան

Հարցը շատ կոնկրետ է դրված. դուք մեր հետ չեք: Իսկ եթե մեր հետ չեք, հասկանանք. ո՞վ եք դուք ու մեր ինչի՞ն եք պետք...

... Ո՞ւր էիք տղերք պատերազմի ժամանակ;

Դուք գիտե՞ք, որ ձեզ հիշում էին, հարցնում էին կռվող-մեռնող տղերքը, հետաքրքրվում էին, զարմանում էին․․․ կամ նույնիսկ արդեն չէին էլ զարմանում:

Ես հենց ձեզ եմ դիմում, ոչ թե մեր հասարակության մյուս շերտերին, որովհետև մեր կարգավիճակի երկրում հարուստ լինելը դա իրավունք չի, դա պարտականություն է: Դուք հանրային սևեռման առարկա եք ու ձեր տեսակով ու օրինակով՝ մթնոլորտ ձևավորողներ:

Ուզենաք, թե՝ չուզենաք:

Ուզենանք, թե՝ չուզենանք:

Մենք կանչում ենք ձեզ հանդիպման

Կանչում ենք հանդիպման, որ հիմնավորեք ձեր բացակայությունը ու դրա իրավունքը՝ բոլոր առումներով:

Հրավերը կլինի հրապարակային, անվանական ու հարկ եղած դեպքում գրավոր:

Մենք դատապարտված ենք ապրել ՄԻԱՍԻՆ ու հենց ՄԻԱՍԻՆ պետք է գծենք խաղի կանոններ... ու հետևենք դրանց մեր պատվով..․»,- իր տեսաուղերձում նշում է Գևորգ Թադևոսյանը։